Sebastian Vettel e fitoi garën për Shpërblimin e Madh të Brazilit në Formula 1. Ngasësi gjerman u nis nga pozita e dytë në këtë garë por qysh në kthesën e parë e tejkaloi bashkëkombasin e tij Nico Hulkenberg, i cili u nis nga pol pozicioni dhe Vettel udhëhoqi nga fillimi e deri në fund të garës. Ngasja e tij shumë e shpejtë në rrathët e parë i mundësoi shkëputje nga konkurrenca, kurse pas kryerjes së pit-stopit ishte ngasja e sigurt dhe pa gabime ajo që i mundësoi Vettelit të shënojë fitoren e tij të katërt këtë sezon. I dyti në garë përfundoi kolegu i Vettelit në Red Bull dhe rivali i tij në luftë për titull të kampionit Mark Webber kurse i treti doli Fernando Alonso i Ferrarit, i cili vazhdon ti prijë renditjes së përgjithshme të ngasësve.

Një nga këta tre ngasës do të jetë kampion i Formuëls1 këtë sezon dhe kjo çështje do të zgjidhet javë ne ardhshme në shtegun e mrekullueshme në Abu Dabi, ku zhvillohet gara e fundit të sezonit. Sa i përket garës së Brazilit, lirisht mund të thuhet se ishte një parej garave më montone të sezonit. Gjermani Nico Hulkenberg i cili (shumë) befasisht mori pol pozicion qysh në rrethin e parë u tejkalua nga Vettel dhe Ëebber të cilët morën pozitat 1 dhe 2 dhe më nuk shikuan prapa. Vettel në fillim krijoi 2-3 sekonda epërsi dhe ndaj ëebberit duke dashur ti shmanget duelit me të në shteg dhe të jetë i qetë në krye të garës. Në anën tjetër Fernando Alonso, i cili u nis i pesti brenda shtatë rrathëve tejkaloi Leëis Hamiltonin dhe Nico Hulkenbergun për të dalë në pozitën e tertë ku qëndroi deri në fund të garës pa provokuar as kundërshtarët e as mundësitë e Ferrarit të tij, që në këtë garë dukej inferiorë ndaj Red Bullit.

Lewis Hamilton përfundoi i katërti dhe lirisht mund të thuhet se në garë ne fundit shkon pa gjasa për titull, kurse Nico Hulkenberg, i cili për herë të parë nisi garë nga pol pozicioni përfundoi në pozitën e tetë, prapa Buttonit, Rosbergut e Schumacherit dhe para Petrovit e Kobayashit, i cili morri një pikë për ekipin e Sauberit sa për ta përmirësuar përshtypjen e përgjithshme për të dhe për ekipin gjatë sezonit. Për tu shpallur kampion bote Vettelit i duhet ta fitojë garën dhe të shpresojë se Alonso do të përfundojë më poshtë se pozita e katërt. Alonso shpallet kampion bote nëse përfundon i dyti në garë, ose nëse përfundon jo më poshtë se një pozitë dallim me Mark Webberin, kurse Webber, ngjashëm me Vettelin mund të fitojë titullin nëse e fiton garën, ose nëse asnjëri prej dy të tjerëve në luftë për titull nuk përfundojnë në podium.

Red Bulli kampion i konstruktorëve

Ekipi i Red Bullir duke marrë dy pozota te parë në këtë garë e ka fituar edhe titullin e kampionit në konkurrencën e konstruktorëve. Ky ekip austriak i ardhur në Formula 1 më 2005 sivjet ka pasru një sezon të shkëlqyeshëm duke fituar 14 pol pozicione dhe duke arritur 8 fitore në 17 garat e deritashme të sezonit. Ky është titulli parë për Red Bullin si konstruktor dhe mbetet të shihet nëse ekipi do të favorizojë Mark Ëebebrin në garën e fundit të sezonit në mënyrë që një ngasës i këtij ekipi ta fitojë edhe titullin e ngasësve para Fernando Alonsos së Ferrarit.

Renditja në garë

1. S. Vettel (GER) Red Bull

2. M. Webber (AUS) Red Bull

3. F. Alonso (ESP) Ferrari

4. LC. Hamilton (GBR) McLaren

5. J. Button (GBR) McLaren

6. N. Rosberg (GER) Mercedes

7. M. Schumacher (GER) Mercedes

8. N. Hülkenberg (GER) Williams

9. R. Kubica (POL) Renault

10. K. Kobayashi (JPN) BMW Sauber

Renditja e përgjithshme

1. Fernando Alonso 246

2. Mark Webber 238

3. Sebastian Vettel 231

4. Lewis Hamilton 222

Renditja e konstruktorëve

1. RBR-Renault 469

2. McLaren-Mercedes 421

3. Ferrari 389