Shqipëria është renditur në listën e "Lonely Planet", bashkë me Bullgarinë dhe Italinë (tri vende europiane në 10 të renditura gjithsej) si vende deri më tani të panjohura, të cilat duhen vizituar gjatë 2011-s. "Përfytyroni një vend ku udhëheqësit quhen "Mbreti Zog", "Enver Hoxha" apo "Bamir Topi". Mbusheni skenën në mendjen tuaj me shkëmbij bregdetarë, male me dëborë, rrënoja antike të rrethuara nga xhungla dhe virgjëresha të betuara që zënë vendet e meshkujve të vrarë në përgjakje të vjetra.

Në fund, plotësojini të gjitha këto me një kod sjelljeje për jetën e përditshme që ka 1,262 udhëzime, plot 38 nga të cilat janë mbi mikpritjen, -thuhet në prezantimin e Shqipërisë, ku më pas shtohet: ".. Mund të duket sikur sapo keni krijuar një roman fantazie mesjetare, por kjo është Shqipëria..". Këto shkruhen për Shqipërinë, e cila renditet madje, e para, në vendet e sugjeruara për udhëtime të veçanta, por ka dy të dhëna interesante që tërheqin gjithashtu vëmendjen.