Dita e 1 prillit mund të konsiderohet si një "ditë e zezë" për ngjyrat kuqezi, sa i takon përfaqësimit ndërkombëtar, në rang përfaqësuesesh në futboll.
Dy kombëtaret e mëdha të Shqipërisë, ajo e drejtuar nga Ari Han, dhe tjetra, Shpresa, e drejtuar nga Artan Bushati, kanë ngrënë brenda ditës plot 8 gola, ndërkohë që kuqezinjtë e Bushatit kanë arritur të shënojnë vetëm dy gola.
Një turpërim i "tipit" 8-2 ky i Shqipërisë në futboll, cka tregon se situata është vërtet kritike, për ata që kanë veshë të dëgjojnë dhe sy të shikojnë.
Vërtet futbolli shqiptar është në nivele gati amatorizmi, sa i takon kampionatit kombëtar, por dy kombëtaret në fjalë kanë në gjirin e tyre lojtarë që luajnë me ekipe të huaja, madje kombëtarja e madhe ka në krye të saj një trajner të huaj, holandez, më tërë stafin e tij, që kushton rreth 350 mijë euro në një sezon, cka e bën edhe alarmante, por edhe absurde situatën.
Gjithashtu, qoftë për grumbullime, qoftë për stërvitje, FSHF-ja ua ka krijuar të gjitha kushtet këtyre dy përfaqësueseve tona. Ekipi Shpresa, i drejtuar nga Artan Bushati, ka shënuar humbjen e dytë radhazi në kuadrin e eliminatoreve të Grupit 1 të Kampionatit Europian të kësaj grup-moshe, ndaj Skocisë, në fushën e kësaj të fundit (të shtunën e kaluar ishte mundur 1-0 në Elbasan, po nga homologët skocezë).
ndërkohë që kombëtarja e drejtuar nga Ari Hani ka pësuar 3 gola në Kopenhagen, ndaj skuadrës vendase.
Të marra së bashku, dy kombëtaret tona kanë pësuar 8 gola, kanë shënuar vetëm 2 të tillë, që do të thotë se brenda një dite, Shqipëria në futboll ka marrë një "nokaut" të rëndë, një humbje 8-2.
Këto shifra mbartin brenda tyre jo vetëm realitetin e mjerë e therës kuqezi, por edhe ironinë shqiptare të ndeshjeve të lagjeve, kur talleshim në raste fitoresh të tilla: "y-y-y-y-y, 8-2!"