Të paktën 14 persona kanë humbur jetën në ishullin Santa Lucia, në Karaibe, pasi stuhia e fuqishme “Tomas” shkaktoi rrëshqitje masive toke.
Ministri i Turizmit, Allan Chastanet ka deklaruar për mediat lokale se qyteti jugor Soufriere është goditur më shumë dhe se tani ngjan me një zonë lufte. Ndërsa kryeministri Stephenson King ka shpallur gjëndjen e jashtëzakonshme në tërë ishullin dhe ka kërkuar ndihmë ndërkombëtare.
Ndërkohë, stuhia ka shkatërruar disa ura, duke ndarë kryeqytetin me pjesën tjetër të ishullit. Aktualisht stuhia “Tomas” është drejtuar për në Haiti, ku rreth 1.3 milionë banorë vazhdojnë të jetojnë nëpër tenda qe nga tërmeti i janarit që mori jetët e mbi 200 mijë vetave.