Kryetari i bashkisë së Tiranës, Edi Rama deklaroi të martën në mbledhjen e Komitetit Shtetëror se Shqipërisë i duhet një parlament i ri, por ai duhet të ndërtohet në bazë të një konkursi ndërkombëtar. “Jemi dakord që parlamenti të ndërtohet tek Piramida, por kjo gjë të bëhet ashtu siç e bënë bota”, tha Rama. Gjithsesi, gjate debatit me Kryeministrin, Rama tha se ndërtimi i parlamentit të ri tek Piramida ka dy aspekte, njëri historik arkitektonik dhe aspekti tjetër financiar. Ai u shpreh ndër të tjera se për çështjen e parlamentit të ri ka pasur me pare një projekt dhe një konkurs ndërkombëtar. “Në momentin që gjithçka kishte përfunduar tanimë kalohet në një tjetër projekt nga e para, pa kuptim”, tha Rama.