Prestigjiozja e Brukselit, që mbulon nga afër çështjet e BE-së i vlerëson rezultatet antikorrupsion si rrjedhojë e drejtpërdrejtë e reformave të kabinetit Berisha.Ngjitja e Shqipërisë me 8 shkallë në luftën ndaj korrupsionit të publikuar nga Transparency International, ka ardhur si pasojë e hapave të ndërmarrë nga qeveria shqiptare drejt integrimit në Bashkimin Evropian. Kështu shkruan uebesajti evropian “New Europe”, i cili tregon edhe historinë e Shqipërisë në dy dekadat e fundit, duke nënvizuar se gjer në vitet 1990 Shqipëria ishte vendi më i izoluar në botë.“Diktatura ishte aq larg nga njerëzit, që pas rënies së tij nuk kishte mbetur pothuajse asgjë në aparatin shtetëror për të drejtuar vendin. Zgjedhjet e vitit 1992 i dhanë fund 47 viteve të sundimit komunist dhe në gjysmën e dytë të kësaj dekade u shënua me një qarkullim të presidentëve dhe kryeministrave. Shumë shqiptarë lanë vendin në kërkim të punës. Paratë që dërgohen në shtëpi mbetën një burim i rëndësishëm i të ardhurave për vite me radhë. Sot Partia Demokratike e udhëhequr nga ish-Presidenti, Sali Berisha, është në qeveri, pasi ai u rizgjodh në zgjedhjet e fundit parlamentare të korrikut 2009, duke mundur socialistët opozitarë”, shkruhet midis të tjerash.