Qytetarët shqiptarë dhe ata boshnjakë do të lëvizin pa viza në zonën Shengen, duke nisur nga data 15 dhjetor e këtij viti. Deklaratat e eurodeputetëve të Parlamentit Evropian kanë shprehur bindjen për një vendim pro liberalizimit të vizave për Shqipërinë dhe Bosnjën në datën 3 nëntor dhe vendimi formal në datën 8 nëntor nga BE. Ky lajm bëhet i ditur sipas gazetës boshnjake "Nezavisne Novine", e cila nga burime diplomatike pranë Komisionit Evropian në Bruksel konfirmon se qytetarët do të mund të udhëtojnë pa viza nga 15 dhjetori në vendet e Shengenit. "Në qoftë se në 3 nëntor vendimi është pozitiv, vendimi për heqjen e vizave për shtetasit e të dy vendeve në mbledhjen e Këshillit të BE-së më 8 nëntor do të jetë vetëm një formalitet. Sipas Marrëveshjes së Lisbonës, ky vendim duhet të vërtetohet nga Këshilli dhe Parlamenti Evropian, që pritet të ndodhë deri më 24 nëntor. Vendimi më pas publikohet në gazetën zyrtare më 14 dhjetor dhe hyn në fuqi menjëherë ditën e nesërme", ka bërë të ditur zyrtari i lartë evropian për gazetën "Nezavisne Novine". Duke u mbështetur në rastin e vitit të kaluar, nga Serbia, Maqedonia dhe Mali i Zi, të cilat më 19 dhjetor kanë marrë një regjim pa viza, gazeta boshnjake shpjegon se burimet pranë Brukselit thonë se vendimi për liberalizimin e vizave me Bosnje-Hercegovinën dhe Shqipërinë nuk do të ndryshojë minutën e fundit, por këto dy vende duhet të vazhdojnë të bëjnë gjithçka për të bindur të BE për të hequr vizat. Gjithashtu, gazeta boshnjake thekson se heqja përfundimisht dorë e Francës për të braktisur bllokadën e liberalizimit të vizave për Bosnje-Hercegovinën, ka hapur rrugën për harmonizimin e qëndrimeve dhe të marrjes së vendimit pozitiv. Ndërsa vlerëson marrjen e masave për riatdhesimin e azilantëve nga të dyja vendet, zyrtari evropian theksoi se një nga shqetësimet e fundit të vendeve anëtare të BE-së është vala e azilkërkuesve dhe se një shqetësim i tillë ndërlidhet edhe me heqjen e vizave për Shqipërinë dhe Bosnjën. "Ne jemi të bindur se këto dy vende kanë ndërmarrë të gjitha masat që mos të ndodhë fluksi i azilkërkuesve dhe kjo na shton besimin se jemi në rrugën e duhur", ka theksuar zyrtari evropian. Përfundimi i raportit të Komisionit Europian theksoi në maj të këtij viti se, Shqipëria ka përmbushur blloqet e udhërrëfyesit për liberalizimin e vizave. Pas kësaj, Tania Fajon, raportuesja speciale e Parlamentit Evropian për liberalizimin e vizave për Shqipërinë dhe Bosnjën, i propozoi një votim Parlamentit Europian për liberalizimin e vizave, i cili u votua me 538 vota nga eurodeputetët. Përgjigjja përfundimtare pritet të jepet në 8 nëntor nga ministrat e Brendshëm të BE-së, vendim i cili shumë eurodeputetë kanë shprehur bindje se do të jetë pozitiv.

ja dhe nje lajm i mire per ne shqiptaret