Kur i kanë mbetur më pak se 7 ditë nga dhënia e lamtumirës së postit të guvernatorit të Kalifornisë, Arnold Shvarcenejger njoftoi se do t’i rikthehet aktrimit në Hollivud.

Tashmë 63 vjeç Shvarci njoftoi në Twitter se ka patur kontakte me regjisorin e filmit Terminator, James Camerun dhe se pas pak kohësh do të sqarojë përfundimisht rolin me të cilin do të rinisë karrierën si aktor pas lënies së politikës.

Mundësitë që ish- Mister Universi të rikthehet me Terminator janë shumë të mëdha. Ai u shkëput nga regjistrimet e disa serive të tij pas angazhimeve në politikë.