Rama mbetet pa alternativë, u rikthehet protestave

Saranda · 1 Rama mbetet pa alternativë, u rikthehet protestave prej 24/9/2010, 15:32

Saranda

♫ Stafi Administrues ♫

Shteti: Zvicërr

Gjinia: Female

Antarësuar Me: 19/12/2009
Numri i postimeve: 38416
Pikët: 70900
Votat: 241
Titull i Preferuar: S'ka rendësi sa të bukura janë ëndrrat e mija!!Ti do mbetesh ëndrra ime e preferuar...

Vendimi i koalicionit të majtë: Në tetor nisin protestat. Ngjela dhe Milo: Asnjë kompromis me Berishën.

Në një kohë kur ndërkombëtarët bëjnë thirrje për uljen në bisedime pozitë dhe opozitë që t’i japin fund ngërçit politik, e majta shqiptare vendos rinisjen e protestave nëpër rrugët e Shqipërisë. Kryetari i PS-së, Edi Rama, tashmë i mbetur pa asnjë alternativë, duke vendosur kështu daljen në rrugë deri në plotësimin e kërkesës së hapjes së kutive të 28 qershorit të 2009-s. Pikërisht për këtë qëllim kreu i Partisë Socialiste, Rama, thirri dje aleatët opozitarë në një takim për të diskutuar rreth veprimeve të mëtejshme që do të ndiqen nga opozita. Takimi i Ramës erdhi pas disa takimeve që ka bërë kryesocialisti në disa qytete të Shqipërisë, ku si alternativë e vetme e tij është paraqitur protesta. Koalicioni i majtë vendosi rinisjen e një aksioni më të fortë opozitar që pritet të fillojë në muajin tetor me protesta masive në të gjithë vendin. Në mbledhje ishin të pranishëm kreu socialdemokrat Skënder Gjinushi, ai i Partisë Ligj e Drejtësi Spartak Ngjela, kryetari i PBDNJ-së Vangjel Dule, ai i G99 Erion Veliaj si dhe kreu i PDS-së Paskal Milo. Pas përfundimit të takimit, kreu i Partisë Ligj dhe Drejtësi, Spartak Ngjela, bëri të ditur vendimin e opozitës për të vazhduar rrugën e protestave në pamundësi të gjetjes së një konsensusi me qeverinë për transparencën e zgjedhjeve. “Morëm përsipër të drejtojmë njerëzit drejt protestave që do të fillojnë gjatë muajit tetor në të gjithë Shqipërinë. Çështja është manipulimi i votave dhe degradimi ekonomik, humbja e perspektivës dhe çoroditja e madhe që vjen nga kjo qeveri”, - theksoi Ngjela. Edhe kryetari i PDS-së, Paskal Milo, konfirmoi rinisjen e protestave masive muajin e ardhshëm. “PS dhe aleatët e saj kanë bërë të qartë se dialogu vazhdon deri në një kohë të caktuar, por në kohën që mazhoranca zgjat këtë dialog pa fund, ne do presim edhe pak kohë për t’iu kthyer protestave në rrugë”, - tha Milo. Krerët e partive të koalicionit opozitar kanë rënë tashmë dakord se do të veprojnë mbi bazën e një platforme apo marrëveshjeje të përbashkët. Ata pritet të kenë një zyrë të përbashkët, si koalicion për takimet, por bashkë me të edhe një qendër për shtypin, ku herë pas here do të dilet për deklaratat dhe qëndrimet e vendosura prej tyre.

1 Rama mbetet pa alternativë, u rikthehet protestave prej 24/9/2010, 15:32

Saranda