Prej shumë muajsh qarkullon lajmi se emigrantët do të pajisen me karta identiteti dhe me pasaporta biometrike në ambasada,mirpo asnjë hap nuk është bërë
.Deklarata e fundit ishte e ambasadorit shqiptar në Greqi z. Vili Minarolli ,i cili kishte thënë për Newsit se vonesa është thjesht teknike.
Lajmi I ditëve të fundit është bërë i ditur nga zv.ministri i Brendshëm Ferdinand Ponii cili ka thënë se Ministria e Brendshme dhe Drejtoria e Gjendjes Civile është duke parë mundësinë e hapjes së pikave të aplikimit në disa nga konsullatat e shteteve fqinje, fillimisht në Itali dhe Greqi.
“Pas disa kohësh, rreth 3-4 muaj nga sot, qytetarët që banojnë në Athinë ose në Selanik do të mund të aplikojnë për pasaportën edhe atje dhe do ta marrin po atje”, ka thënë zv.ministri i BrendshëmSipas tij, Italia dhe Greqia, per shkak te numrit te madh te emigranteve shqiptare jane perzgjedhur si te parat për të zbatuar projektin e pajisjes së emigrantëve me karta identiteti dhe pasaporta biometrike.
Sipas Ministrisë së Brendshme, fatura që duhet të paguajnë emigrantët që aplikojnë për karta identiteti jashtë vendit do të jetë pak më e lartë sesa në Shqipëri, por shuma do të jetë brenda kostos së prodhimit.
“Kostoja do të jetë pak më e shtrenjtë sepse i përgjigjet edhe kostos atje. Janë shërbime më të shtrenjta, sepse i gjithë sistemi duhet vendosur posaçërisht për prodhimin e dokumenteve. Besoj se cmimi do të jetë po kaq e arsyeshme sa i kanë marrë sot dokumentat në Shqipëri shqiptarët, pra e pangarkuar nga taksat. I takon parlamentit ta vendosë, por mund të jetë diku tek 100-110 euro”, ka thënë zv.ministri i Brendshëm,citon Lajmifundit.
Me këtë tarifë nga 100-110 euro duket qartë se emigrantët do të jenë të vetmit, që nuk do të gjejnë të drejtën e tyre.Është tepër e rëndë për një emigrant që ka vetëm shumë pak të ardhura të paguajë edhe pasaportën bashkë me kartën e identitetit 100-110 euro.
Mesa duket ,qeveria shqiptare nuk po e bën këtë për të lehtësuar emigrantët,por për të fuqizuar buxhetin e shtetit vetëm nga emigrantët.Shpresojmë që pas pushimeve verore ta rishikojnë tarifën, pasi mesa duket tani janë shumë të lodhur dhe nuk mendojnë dot.