Dashamirët e futbollit anekënd botës janë të interesuar të dinë se kush do të jetë futbollisti më i mirë i botërorit. Dhjetë futbollist janë në rrethin e ngushtë dhe secili me cilësitë e tija që mahniti botën e futbollit. David Villa i Spanjës, i cili udhëheq listën e shënuesve me pesë gola së bashku me Weslyn Sneijderin e Holandës. Dy futbollistë më të spikatur dhe që kanë dëshmuar formë të lartë në botëror. Krahas këtyre dy futbollistëve në listën e nominimeve të FIFA-s janë edhe Robben i Holandës, Gyan i Ganës, Forlan i Uruguait, Iniesta Spanjë, Messi i Argjentinës etj. FIFA në bashkëpunim me Adidasin, kanë shpallur nominimet për futbollistin më të mirë të Kampionatit Botëror, Afrika e Jugut 2010.

Nominimet i prezantuan sekretari i përgjithshëm i FIFA-s, Jerome Valcke, i cili me këtë rast tha se ky Kampionat Botëror ishte i veçantë dhe aty morën pjesë futbollistët më të mëdhenj të globit. Ai është ndarë i kënaqur me ecurinë e Botërorit. Atë e shoqëroi drejtori i Adidas, Herbert Hainer që tha, “Ne jemi të kënaqur me këtë Botëror, pasi kemi pasur dy ekipe me brendin tonë në gjysmëfinale dhe tani një është në finale. Do të kemi përfitime prej më se 1.3 miliardë eurosh dhe natyrisht jemi shumë të kënaqur me këtë Botëror”. Pas këtyre deklaratave janë shpallur edhe futbollistët e dominuar. Shtrohet pyetja: Kush do të ketë mundësi të jetë më i miri futbollist? Shumë emra të shquar të futbollit botëror, që secili kënaqi me lojën e vet. Me afër mund të jenë që këtë çmim të marrin spanjollët ose holandezët, pasi janë edhe në finalen e madhe të botërorit. Ose epiteti i futbollistit më të mirë mund të shkon te ndonjë futbollist i kombëtares tjetër. Po kush do ta zgjedh më të mirin? Kjo punë iu është besuar mediave të mbarë globit, ndërsa ky çmim do të ndahet në natën e finales, të dielën, në stadiumin Soccer City të Johannesburgut. Më një fjalë, dashamirët e këtij sporti më të popullarizuar me padurim presin ta dinë se kush do të rrëmben këtë çmim dhe secili dëshiron që ta fitojë futbollistin që e adhurojnë më së shumti. E diela, qartëson të gjitha dilemat se kush është më i miri i botërorit.
Dhjetë futbollistët e nominuar

1. Diego Forlan (Uruguai)
2. Asamoah Gyan (Ganë)
3. Andres Iniesta (Spanjë)
4. Lionel Messi (Argjentinë)
5. Mesut Ozil (Gjermani)
6. Arjen Robben (Holandë)
7. Bastian Shëeinsteiger (Gjermani)
8. Wesley Sneijder (Holandë)
9. David Villa (Spanjë)
10. Xavi (Spanjë)