E diela do të jetë dita e fundit e Kampionatit botëror që mbahet në Afrikën e Jugut. Adhuruesit e futbollit në mbarë rruzullin tokësor presin të mësojnë se kush do të jetë kampion më i ri i botës? Spanja apo Holanda do të stolisen me epitetin e kupës së botës. Kësaj here trofeu do të vjen në Evropë, por a do të shkojë në Spanjë apo në Holandë do të shihet të dielën në mbrëmje. Adhuruesit janë në pritje të kampionit të ri. Po kush janë kampionët e deritashëm të botës? Nga viti 1930 është mbajtur botërori dhe për herë të parë në Uruguai. Atëkohë kampion i parë i botës ka qenë Uruguai. Pas katër vjetëve Kupa e Botës është mbajtur në Itali dhe kampion u bënë mikpritësit, pra Italia. Në vitin 1938 Kampionati botëror organizohet në Francë, por sërish Italia kampione. Për 12 vjet më radhë nuk mbahet Kampionati botëror për shkak të luftës së dytë botërore. Në vitin 1950 kampionati organizohet në Brazil, ku Uruguai për herë të dytë fiton Kupën e Botës.

Zvicrës iu është besuar botërori në vitin 1954 dhe Gjermania triumfon, duke u bërë kampione e botës. Pas katër vjetësh kupa organizohet në skandinavi përkatësisht në Suedi, ku Brazili për herë të parë përqafon trofeun e Kupës. Vazhdon mbizotërimi i Brazilit edhe pas katër vjetësh, ku rrëmben trofeun edhe në Kili. Djepi i futbollit Anglia është organizatore në vitin 1966 dhe i gëzohet këtij trofeut të çmueshëm, që nga ajo e kohë e deri më sot as që ka mundur të rrëmbejë. Brazili shkëlqen në botërorin e mbajtur në Meksikë në vitin 1970 dhe bëhet kombëtarja që fiton trofeun për herë të tretë të Kupës së Botës. Gjermania organizatore në vitin 1974 dhe nuk lëshon pe si mikpritës, e ndal trofeun në shtëpi. Edhe Argjentina e bëri një gjë të tillë në vitin 1978, e cila ishte organizatore e botërori dhe ngadhënjeu. Italia barazohet me trofe me Brazilin. Italia fiton Kupën për herë të tretë në vitin 1982 e organizuar në Itali. Pas katër vjetësh, Argjentina që atëkohë ka pasur protagonistin më të mirë të saj, të famshmin Diego Armando Maradona, shkëlqyen dhe morën Kupën, e cila ishte organizuar në Meksikë.

Në vitin 1990 Italia nuk e shfrytëzoi përparësinë që e kishte si organizatore e Kupës, pasi Gjermania ishte më e suksesshme dhe bëhet kampione. Brazili mrekullon edhe në vitin 1994 në botërorin e mbajtur në Shtetet e Bashkuara të Amerikës dhe është kombëtarja më më së shumti trofe. Franca në vitin 1998 ishte organizatore e botërorit dhe stoliset me epitetin e Kupës për herë të parë në historikun e saj. Brazili bëhet fitues i pesëfishtë i Kupës së Botës pikërisht në vitin 2002 në Korenë e Jugut. Në vitin 2006 gjermanët janë organizatorë të kupës, ndërsa Italia shpallet kampione e Botës dhe ishte trofeu i katërt. Brazili deri më tash është pesë herë kampion bote, pastaj Italia me katër trofe, Gjermania 3, Argjentina 2, Uruguai 2, Anglia dhe Franca.


Kampionët e botës

1930 Uruguai
1934 Italia
1938 Italia
1950 Uruguai
1954 Gjermania
1958 Brazili
1962 Brazili
1966 Anglia
1970 Brazili
1974 Gjermania
1978 Argjentina
1982 Italia
1986 Argjentina
1990 Gjermania
1994 Brazili
1998 Franca
2002 Brazili
2006 Italia
2010?