Gjermania që bëri historinë në botëror. Fitore me vlera të mëdha ndaj Argjentinës dhe që ngriti në këmbë tërë shtetin e Gjermanisë. Kombëtarja e Gjermanisë që në fillim askujt nuk ia ka mbushur syrin dhe shumëkush e ka hequr si jo kandidate për ta fituar botërorin. Njohësit e futbollit kishin favorizuar së tepërmi Brazilin, Argjentinën, por edhe Italia ka qenë në kombinim, por që të gjitha të eliminuara nga botërori. Nga favoritët numër një edhe më tutje mbetet në garë Spanja, por që tashmë ka përballë Gjermaninë e fortë. Gjermania e gëzuar, motivuar dhe mezi pret të triumfojë edhe ndaj Spanjës dhe të shkojë në finalen e madhe të botërorit. Gjermania që shkëlqen dhe që mahniti që të gjithë njohësit e këtij sporti. Gjermania mahniti jo vetëm me lojë, por edhe me fitore bindëse. Menjëherë pas sinjalizimit të përfundimit të ndeshjes nga gjyqtari uzbek, Irmatov, në Berlin dhe Mynih ka startuar festa e tifozëve gjermanë, të cilët kishin ngjyrosur sheshet dhe rrugët e mëdha me ngjyrat e flamuri kombëtar. “Gjermani hyjnore” është titulli i të përditshmes “Bild” e cila në shkrimin e saj ka thurrur elozhe per Lev dhe lojtarët e tij. Sipas kësaj gazete, ishin Klose, Muller dhe Fridrish ata që kërcyen tango dhe jo Messi me shokët e tij. "Klose mund Albicelesten” e ka titullir “Kicker” fitoren e mrekullueshme 4:0 ndaj Argjentinës. “Është vërtetë një ëndërr”, ka deklaruar pas ndeshjes kancelarja gjermane Angela Merkel. “Kemi lojtarë të rinj në moshë, por ata kanë bërë një lojë të madhe, duke mos i lënë asnjë hapësirë Argjentinës”, tha Merkel, e cila në tribunën Vip ka festuar pas çdo goli me presidentin afrikanojugor Jacob Zuma. Janë treguar të ashpra mediat argjentinase ndaj komëbtares së tyre pas kësaj humbje që i la dhe jashtë botërorit. “Gjermania tupëron Argjentinën dhe del në gjysëmfinale”, shkruan e përditshmja vendase “Clarin”. Ndërkohë që kritikat nuk janë kursyer në mediat argjentinase, nga Brazili vjen reagimi më gjallërues nga gazeta sportive “Globo Esporte”, titulli i së cilës është: “hahahahahahahah”. Një tjetër titull ironik në Brazil është dhe ai i “O Globo” në faqen e saj në internet: “Mos, Argjentina kthehet në shtëpi, ndërsa Maradona nuk do të mund të zhvishet ne Obelisco”. Kjo është Gjermani që po bënë mrekullinë, që turpëron të tjerët me lojë dhe që po ngjitet në piedestalin e botës. Gjermania e Kloses, Mullerit, Podolskit etj.