World Cup “Soith Africa”, ¼ finale

02.07.2010, ora 16:00

Stadiumi: “Nelson Mandela”, Port
Elizabeth


BRAZIL - HOLLANDE 1-2



Shënues: Robinho 10’ / F.Melo
(out) 53’ / Shnajder 68’


Holanda ka treguar se është një realitet jo vetëm i bukur, por edhe kërcënues për të gjithë rivalët e tjerë, të mbetur në garë, për të fituar titullin e kampionit botëror. Me atë që ka bërë ndaj Brazilit, pesë herë kampion i Botës, i konsideruar si pretendenti kryesor në “Afrika e Jugut 2010”, Holanda i ka treguar globit mbarë se cfarë është në gjendje të bëjë. Një përmbysje spektakolare në pjesën e dytë, duke shënuar dy gola të shpejtë, pas atij të Robinjos, në pjesën e parë, por mund ta kishte sigluar në shifra të thella fitoren, teksa humbi raste të pastra në fund të lojës. Më shumë se kaq, me qarkullimin perfekt të topit, kryesisht në mesfushë, me një Arien Robben të shkëlqyer, që s’ka lojtar brazilian që ta ndalë, madje as me shqelma, sic bëri Felipe Melon ë një rast, duke dalë me të kuqe, Holanda ka dominuar në të gjitha aspektet. Sidomos në pjesën e dytë, ku Brazili është “zënë mat” nga loja e portokallinjve. Uesli Shanajder përbën gjithashtu një “minë me sahat” për të besuarit e Dungës, sepse kur nuk e prêt, ai jo vetëm shënon, asiston, por edhe merr faulle të pafundmë në favor të skuadrës së vet. Ky është futbolli. Pesë herë kampionët e Botës kanë pësuar një aksident. Por që është i barabartë me largim nga Botërori, sepse në këtë pikë të garës ekziston eliminimi direkt, nuk ka më asnjë mundësi për të rikuperuar asgjë. Kur askush nuk priste, Hollanda e tërhoqi Brazilin në “hullinë e vet”, e nxori nga binarët, sidomos ato psikologjikë, ndërkohë që në dy goditje standarde përmbysi disavantazhin e pjesës së parë. Në njërën herë, të ndihmuar edhe nga felipe Melo, që e devijoi sferën në rrjetën e Hulio Sezarit, ndërsa herën tjetër mjafton koka e Shnajder, për të devijuar paksa topin, i cili pushon në portën braziliane. Në këtë mënyrë, me plot meritë, Holanda shkoi përpara, në gjysmëfinale të Botërorit, ndërsa Brazili kthehet kokulur në shtëpi, duke përmbyllur gjithcka me zhgënjim. Brazili u eliminua nga vazhdimi i Kupës së Botës, pasi u tregua i paaftë për të mbrojtur një kryesim të hershëm kundër Holandës. Selecao e ka marr rolin udhëheqës në ndeshje që në minutën e 10-të. Felipe Melo ka gjetur Robinhon, të pandehur nga mbrojësit holandez në pozicion jashtë loje, i cili e kalon me qetësi topin poshtë Maarten Stekelenburg, për ta bërë rezultatin 1-0 për Brazilin. Duhej pritur minuta e 53-të, që Felipe Melo, edhe në presionin e Oijer, ta dërgojë topin në rrjetën e vet, në përpjekje për ta larguar nga zona braziliane. Ky moment ndryshon gjithcka, sepse holandezët marrin zemër dhe shtyjnë gjithnjë përpara. Mesfusha e tyre është në lartësinë e duhur, ndërkohë që Arien Robben, në të djathtë të mesfushës dhe sulmit portokalli, është i papërmbajtshëm. Minuta e 68-të është fatale për Brazilin dhe tepër lumturuese për holandezët. Një goditje këndi e nisur nga këndi prej Robben, gjen kokën e Shnajderit, që vetëm sa e devijon pak, duke e dërguar në rrjetën e Sezar. Holanda përmbys Brazilin, ndërkohë që minutat e mëpastajme janë një duel i gjatë nervash mes holandezëve, në “qiellin e shtatë” dhe brazilianëve, tepër të ngarkuar mentalisht. Një një rast të tillë, Felipe Melo e gjuan me shqelma Arien Robbenin, duke marrë kartonin e kuq dhe lënë skuadrën e tij me 10 lojtarë, në një moment kritik për të. Holanda, duke shfrytëzuar hedhjen totale në sulm të Brazilit, mund ta kishte thelluar epërsinë, por sulmuesit e saj u treguan shumë altruistë. Megjithatë, fitorja ishte në anën e tyre, ndaj edhe e shikojnë veten në gjysmëfinale të Botërorit. Më të fortë dhe më pretendentë se kurrë më parë.