Ish presidenti i Shteteve të Bashkuara të Amerikës, Bill Klinton, ka qenë i pranishëm në ndeshjen Shtetet e Bashkuara të Amerikës dhe Gana. Kombëtarja e Ganës kualifikohet dhe në çerekfinale me 2 korrik takohet me Uruguain.
Kombëtarja e Ganës pas 120 minutave siguroi fitoren me rezultat 2:1 ndaj Shteteve të Bashkuara të Amerikës dhe kualifikohen në çerekfinale të Kampionatit Botëror. Gana në çerekfinale do të ballafaqohet me Uruguain, i cili në ndeshjen e parë të tetës së finales mposhti me rezultat 2:1 Korenë e Jugut. Shtetet e Bashkuara të Amerikës sidomos në pjesën e dytë të ndeshjes kanë qenë më të mirë, duke mbizotëruar dhe pasur me shumë raste. Në pjesën e parë të ndeshjes, Gana në minutën e pestë kaloi në epërsi pas një veprimit të bukur të futbollistit Boateng, i cili nga 16-17 metra dërgoi gjuajtje të fortë dhe mposhti portierin amerikan, Howard, 1:0. Gana më këtë epërsi (1:0) përfundoi pjesën e parë të ndeshjes. Amerikanët si në fazën e grupit po ashtu edhe në të tetën e finales bënë rikthim të rezultatit. Në minutën e 60-të, Dempsey për bukuri depërtoi, duke kaluar një futbollist ganez, më pas edhe tjetrin dhe rrëzohet në 16-sh nga mbrojtësi Mensah dhe penallti. Nga penalltia i pagabueshëm Donovan dhe barazohet rezultati, 1:1. Amerikanët vazhdojnë me lojë të bukur, duke kërkuar golin e fitores. Në minutën e 67-të, Altidore me shpejtësi futet në 16-sh, por portieri ganez, Kingspon, që më i shpejtë dhe ia hoqi topin nga këmbët. Bradley sikur të ishte më i vëmendshëm lehtë ka mundur t'i kaloi amerikanët në epërsi, por dështoi nga një pozitë e volitshme. Kombëtarja amerikane në pjesën e dytë të ndeshjes ka qenë shumë më e mirë sesa Gana. Në stadium ka qenë i pranishëm edhe ish presidenti amerikan, Bill Klinton, i cili ka përcjellë nga afër këtë ndeshje. Ndeshja në kohën e rregullt përfundoi 1:1, ndërsa në vazhdimet dy herë nga 15 minuta ganezët shënojnë fitore.