Përzgjedhësi i Zvicrës, Ottmar Hitzfeld, i vazhdohet kontrata deri në vitin 2012. Me gjithë eliminimin e Zvicrës nga botërori, Hitzfeld mbetet në kombëtaren zvicerane. Ai do të drejtojë kombëtaren deri në vitin 2012 kur të mbyllet edhe Euro 2012. Zvicra me një fitore, një barazim dhe një humbje është eliminuar nga botërori. “Do respektoj impenjimin që kam marrë përsipër nëse do më duan akoma”, tha Hitzfeld. Ndërkohë, zëdhënësi i federatës zvicerane, Marco Von Ah, konfirmoi vazhdimin e bashkëpunimit me përzgjedhësin Hitzfeld.