Dy “Brazilët” bëjnë nxehjen para 1/8 finale, Drogba i jep lamtumirën Botërorit!

Albatros

Albatros

♫ Stafi Administrues ♫

Shteti: Francë

Gjinia: Male

Antarësuar Me: 12/09/2007
Numri i postimeve: 18404
Pikët: 36064
Votat: 96
Titull i Preferuar: Nuk eshte e rendesishme te thuash ate qe mendon . Por te mendosh mire ate qe thua.

Sfida e shumëpritur, e trumbetuar si një “El Clasico” e këtij Botërori, ku mund të shikonim futbollin-spektakël, e ka kapërcyer mërzinë e kujtdo. Sepse Brazili dhe Portugalia, pavarësisht ndonjë ndërhyrjeje apo dyluftimi të ashpër në dukje, kanë bërë sikur po luajnë. Barazimi i bardhë 0-0 mes tyre, në ndeshjen e luajtur në Durban, u ka mjaftuar të dyja palëve për të shkuar në 1/8 finale të këtij Botërori. Një lojë që i shpërblen të dy “Brazilët”, atë amerikano-latin, të drejtuar nga Karlos Dunga, dhe atë europian, të drejtuar nga Karlos Queiros, por, pa dyshim, kanë bërë një shfaqje jo të denjë për fanellat e të tyre. Në një lojë ku nuk ka munguar “zemërimi”, në fakt, cka amplifikohet nga shtatë kartonat e verdhë, pjesa e pare dukej më shumë e ekuilibruar. Portugalia, nga ana e saj, ka përmbajtje dhe i kushton më shumë mospësimit të golit, sepse është në vendin e dytë në grup dhe një goleadë e Bregut të Fildishtë ndaj Koresë së Veriut mund ta linte jashtë 16-shes së Botërorit, ndërsa Brazili e kishte siguruar kualifikimin në grup. Formacioni i Dungës, pa Kakanë, e pezulluar për shkak të kartonit të kuq që mori në sfidën paraardhëse të Botërorit, nuk ka pasur ritmin e zakonshëm, driblimet dhe kombinimet e bukura mes lojtarëve. Ndoshta ka munguar edhe dëshira për më tepër, lojtarët e Brazilit kanë kursyer energjitë për më tej, nuk kanë pasur motivacionin e nevojshëm, por në një situatë të tillë, për të të vënë në gjumë, janë përfshirë edhe portugezët. Përjashto ndonjë veprim të bukur individual të Kristiano Ronaldos, Portugalia nuk demonstroi elementë që mund ta cojnë larg në Afrikën e Jugut. Megjithatë, faza tjetër, e eliminimeve direkte, diket se do t’i tendosë luzitanët, por edhe brazilianët, për të dhënë gjithcka nga arsenali i vet, sepse nuk ka më mundësi për të korrigjuar gabimet, apo për të rikuperuar hapat fals. Gjithcka zgjidhet brenda një 90-minutëshi, në rastin më të mirë, ose në kohën shtesë, 2×15 minuta, nëse nuk nevojitet edhe ekzekutimi i penalltive. Përfundimisht, Brazili e mbyll fazën e grupeve në vendin e parë, ndërsa Portugalia në vendin e dytë, duke pritur kundërshtarët në 1/8 finale, që do të dalin nga ndeshjet e mbrëmjes, Kili-Spanjë dhe Zvicër-Honduras.

1 Dy “Brazilët” bëjnë nxehjen para 1/8 finale, Drogba i jep lamtumirën Botërorit! prej 25/6/2010, 19:53

Albatros