Kampioni i botës, Italia është turpëruar keq e fortë, duke u eliminuar nga Kampionati Botëror. As laikët më të mëdhenj nuk do të kishin besuar se do të bie Italia qysh në fazën e grupit F, duke pësuar humbje nga Sllovakia me rezultat 3:2. Italianët kanë qenë të favorizuar ndaj sllovakëve, por në fushë nuk dëshmuan lojë çfarë është pritur. Italia pati një mori raste të pashfrytëzuara, por sllovakët realizuan rastet me mençuri. Në minutën e 25-të. Vittek nga rreth 16-17 metra me një gjuajtje përtokë në këndin e djathtë ka mposhtur portierin italian, Marchetti. Në vazhdim italianët diktojnë lojën dhe krijojnë raste të shumta. Në minutën e 56-të Di Natale nga një pozitë e qind për qind ka dështuar. Italia rastin edhe më të mirë të ndeshjes e ka pasur në minutën e 66-të, kur futbollisti Quagliarella gjuajti furishëm mu nga vija fatale e ka hequr topin mbrojtësi sllovak, Skrtel.
Sllovakia kalojë në epërsi me rezultat 2:0 në minutën e 73-të. Vittek sërish ka qenë trim i këtij golit, i cili nga afërsia tundi portën e skuadrës rivale. Italianët nuk dorëzohen, sulmojnë me te gjitha forcat, duke ngushtuar epërsinë në 2:1 pikërisht në minutën e 81-të. Di Natale ka qenë autor i këtij golit. Sllovakët prapë shënojnë nëpërmjet Kopunek, duke e turpëruar edhe më shumë Italinë dhe ka ngritur rezultatin në 3:1. Në minutën e 92-të të ndeshjes, Quagliarella nga 24-25 metra shënoi gol dhe zvogëluar epërsinë në 3:2. Sllovakët me sukses u mbrojtën deri në fund, kurse kampioni i botës është eliminuar nga kupa e botës papritur. Italia e turpëruar lëshon botërorin, duke e zënë vendin e fundit në grup me vetëm 2 pikë, ndërsa Sllovakia kalon e dyta me pesë pikë