Prej 19 qershorit të këtij viti edhe në Aeroportin e Prishtinës ka filluar të operojë kompania më e lirë në fushën e aviacionit civil “Easy Jet”.
Aviokompania e fluturimeve të lira, (low cost), “EasyJet”, kreu sot rreth orës 20:15 fluturimin e parë nga Baseli për në Prishtinë dhe anasjelltas, fluturim i rëndësishëm si për kompaninë ashtu dhe për Aeroportin Ndërkombëtar të Prishtinës dhe qytetarët e Kosovës.
Fluturimi i kësaj kompanie, e cila starton me katër fluturime në javë nga Zvicra në Kosovë, konkretisht dy fluturime nga Baseli dhe dy të tjera nga Gjeneva, shënon Aeroportin e Prishtinës në hartën e destinacioneve të kësaj kompanie gjigante, duke e kthyer njëkohësisht Aerportin Ndërkobmëtar të Phtsirinës në të vetmin aeroport në regjion ku kompania kryen fluturime.