Grupi E
“World Cup 2010“
19.06.2010, ora 13:30
Stadiumi “Moses Mabhida“, Durban
HOLANDA-JAPONIA 1-0
Shënues: Shnajder 53’
Holanda (4-2-3-1): Stekelenburg; Van der Wiel, Heitinga, Mathijsen, Van Bronckhorst; Van Bommel, De Jong; Kuyt, Sneijder (Afellay 83’), Van der Vaart (Elia 72’); Van Persie (Huntelaar 87’). Trajner: Van Marwijk
Japonia (4-5-1): Kawashima; Nagatomo, Nakazawa, Tanaka, Komano; Abe; Hasebe (Okazaki 77’), Matsui (S.Nakamura 64’), Endo, Okubo (Tamada 77’); Honda. Trajner: Okada
Gjyqtar: Baldassi (Argentina)
Kartonë të verdhë: Van der Wiel (H)
Shnajder ka shënuar një gol, i ndihmuar nga gafa e portierit japonez, Kawashima, për t’i dhënë fitoren e dytë në këto finale Holandës. E cila e shikon veten të kualifikuar në grup, duke menduar për fazën e 1/16 të Botërorit. Ky sukses është rekord në grupin E, sepse vetëm portokallinjtë kanë arritur dy fitore, duke kryesuar. Ndeshja ka qenë jo fort tërheqëse, por me kontroll e qarkullim dominant të topit nga ana e Holandës, ndërsa Japonia është mbrojtur mjaft mirë, sikurse ka aplikuar edhe kundërsulmin. Pjesa e parë është një dialog i gjatë mes sulmeve holandeze dhe mbrojtjes japoneze, por portat respektive mbetën të paprekura. Holandezët duken nën presion, nuk kanë qetësinë e duhur për të konkluduar, ndërsa japonezët shfaqen gjakftohtë dhe e kontrollojnë mirë situatën. Pjesa e dytë nis me fat për Holandën, e cila, falë edhe një gabimi të portierit kundërshtar, që i shpëton topi nga dora, kalojnë në avantazh. Eshtë minuta e 53-të dhe Shnajder gjuan një top, i cili ishte lehtëisht i zotërueshëm nga portieri japonez, por ky i fundit përsërit gafën e ndonjë portieri tjetër, duke i ikur sfera nga duart dhe përfunduar në rrjetë. Minutat e mëpastajme janë të mbushura me përpjekje të japoonezëve për të barqazuar rezultatin, por nuk kanë fuqinë e duhur konkluduese. Ndërsa Holanda bëhet pragmatiste, mbron golin e Shnajderit dhe kundërsulmon më rrallë, por rrezikshëm. Përfundimisht, ndeshja mbyllet me fitoren 1-0 të Holandës, që e hedh vështrimin në 16-she, ndërsa Japonia ka 3 pikë në grup, me shpresa të gjalla ende për t’u kualifikuar për më tej.