Gana parakalon Gjermaninë, sfida direkte përcaktuese
GRUPI D
“World Cup 2010”
19.06.2010, ora 16:00
Stadiumi “Royal Bafokeng”, Rustenburg
GANA - AUSTRALIA 1-1
Shënues: Holman 11’ (A); Gyan 25’ (G)
GANA (4-2-3-1): Kingson; Pantsil, Mensah, Addy, Sarpei; Annan, K.Boateng; Tagoe (Abeyie 56’), Asamoah (Muntari 77’), Ayew; Gyan. Trajner: Rajevac
AUSTRALIA (4-2-3-1): Schwarzer; Wilkshire (Rukavytsya 85’), Neill, Moore; Carney; Culina, Valeri; Emerton; Holman (Kennedy 68’); Bresciano (Chipperfield 64’); Trajner: Verbeek.
Gjyqtar: Rosetti (Itali)
Kartonë të verdhë: Addy (G); Mensah (G); Annan (G); Ayew (G); Rukavytsya (A); Moore (A);
Karton i kuq: Kewell (A)
Përfundoi ndeshja e dytë në grupin D, luajtur mes Ganës dhe Australisë. Barazimi 1-1 u ka dhënë të dyja skuadrave nga një pikë, por ka kënaqur më shumë ganezët, që e shikojnë veten në kuotën e 4 pikëve, një pikë më shumë se ka Gjermania. Kësisoji, përplasja direkte mes tyre, Ganë-Gjermani, ka shumë gjasa të vendosë gjithcka, sa i takon kalimit të grupit dhe renditjes në vend të parë ose të dytë në grupin D. Australia ka zhvilluar një ndeshje të mirë, krejt ndryshe nga humbja 4-0 me Gjermaninë, por është penalizuar nga dalja me karton të kuq e Harry Kewell, që e la skuadrën me 10 lojtarë në fushë për gati 65 minuta. Australia e filloi ndeshjen në mënyrë pozitive, duke marrë rolin udhëheqës, nëpërmjet golit të shënuar nga Brett Holman në minutën e 11-të. Nuk do të vononte shumë dhe Gana, në minutën e 25-të, përmes A.Gan, barazon rezultatin. Kjo ndodhi ngaqë Gana bëri përparim të qëndrueshëm në lojë dhe në gjetjen e një goli, që erdhi përmes fitimit dhe shndërrimit me sukses të një penalltie. Me këtë barazpeshë në rezultat u mbyll pjesa e parë, ndërkohë që në fraksdionin e dytë pati përpjekje të shumta nga të dyja palët për të realizuar golin e fitores. I cili nuk erdhi, sa për dobësi të sulmuesve të të dyja skuadrave, aq edhe për meritë të mbrojtjeve respektive, që ishin në lartësinë e duhur. Kështu, me vetëm një pikë, Australisë i duhet të mposhtë Serbinë në ndeshjen e tyre të fundit në grup, për të ushqyer shanset e tyre për arritjen e 1/16 finale të këtij Botërori, ndërsa Ganës i mjafton edhe një barazim kundër Gjermanisë, për t’u kualifikuar për më tej.
Renditja, Grupi D
1.Gana 4
2.Gjermania 3
3.Serbia 3
4.Australia 1
Ecuria në Grupin D
13.06.10: Serbia - Gana 0-1
13.06.10: Gjermani - Australi 4-0
18.06.10: Gjermani - Serbia 0-1
19.06.10: Gana - Australia 1-1
23.06.10: Gana - Gjermani —-
23.06.10: Australia - Serbia —-