2010-06-14 21:08:30




Qeveria e Kirgizistanit thotë se të paktën 124 persona janë vrarë dhe gati 1700 të tjerë janë plagosur, pas përleshjeve ndërmjet grupeve kirgize dhe etnike uzbeke, në pjesën jugore të Kirgizisë. Raportohet se dhjetëra mijëra anëtarë të minoritetit uzbek kanë ikur në Uzbekistan, për t’iu shmangur sulmeve nga bandat kirgize. Komisionari i lartë për refugjatë i OKB-së, në një kumtesë, ku citohen të dhënat e qeverisë së Uzbekistanit, thotë se numri i refugjatëve është më i madh se 75 mijë. Megjithatë, zëvendës kryeministri i Uzbekistanit, Abdullah Aripov, tha sot se deri tani në këtë vend janë regjistruar 45 mijë refugjatë. Ai njoftoi se do të mbyllet kufirin me Kirgizistanin.