Sizmologët parashikojnë se së shpejti mund të ndodhë tërmet në Turqi dhe në Greqi, ndërsa shkak për këtë ishin mijëra bretkoca, të cilat u paraqitën në një nga linjat qarkulluese kryesore në Greqinë veriore, autostrada Ignacija.
Parashikimi i sizmologëve u bazua mbi hulumtimin e zbatuar nga shkencëtarët britanikë dhe të publikuar muajin e kaluar, sipas të cilit ekziston lidhje e drejtëpërdrejtë mes bretkocave dhe aktivitetit sizmologjik. Ekspertëve kjo u jep bazë të konsiderojnë se është e mundur në 24 orët e ardhshme të ndodhë tërmet në rajonin e Greqisë dhe Turqisë.
Shkenctarët britanikë pohojnë se bretkocat mund t’i parashohin tërmetet. Ata e theksuan shembullin me migrimin e bretkocave në Akvila, Itali, disa ditë para tërmetit më 6 prill vitin e kaluar, në të cilin e humbën jetën 300 persona, ndërsa 40 mijë mbetën pa shtëpi.
Më 5 maj të vitit 2008 në Kinën qendrore gjithashtu kishte migrim të bretkocave, të cilat e parashikuan tërmetin, i cili ndodhi më 12 maj, ndërsa në të cilin e humbën jetën 12 mijë persona, shtojnë shkenctarët britanikë.
Sipas shkencëtarëve grek paraqitja e bretkocave në autostradën Ignacija ditën e mërkurë është krejtësisht paraqitje normale për këtë periudhë të vitit.
“Çdo vit nga fundi i muajit maj bretkocat migrojnë, kështu që është plotësisht normale t’i bllokojnë rrugët”, sqaroi Pashalina Kiriakopulu, profesoreshë e zoologjisë në Universitetin e Aristotelit në Selanik.
Kiriakopulu shtoi se në periudhat me shi edhe në rajone me basene të mbushura me ujë dalin bretkocat nëpër rrugë dhe drejtohen mbi nivelet, posaçërisht në orët e hershme të mëngjesit dhe mbrëmjes.