Një arritje historike dhe e shumë pritur prej shumë dekadash e cilësoi kryeministri i Shqipërisë, Sali Berisha vendimin e KE-së për rekomandimin për liberalizimin e vizave për Shqipërinë.

Një orë pasi Brukseli dhe ambasadori i KE-së në Tiranë konfirmoi lajmin për vizat, kryeministri Berisha në një konferencë për media përshëndeti vendimin për heqjen e vizave për Shqipërinë si dhe garantoi se tre çështjet e lëna në ngarkim të autoriteteve shqiptare po trajtohen me seriozitet nga qeveria që drejton ai.

Kryeministri Berisha theksoi se ky vendim përbën arritjen më të madhe historike dhe shënon një premtim të mbajtur nga qeveria shqiptare.

Gjatë fjalës së tij kryeministri Sali Berisha u shpreh i bindur në luftën kundër krimit të organizuar, ndërsa theksoi se do të ketë shkatërrim ekonomik për mafian.