Skuadra e futbollit Interi shënoi fitore me rezultat 2:0 në finale e Champions League kundër Bayernit. Diego Milito ka qenë 'hero' i fitores me dy gola të shënuara në minutën e 35-të e 70-të.

Interi nga Milani i Italisë është kampion i ri i Evropës në futboll. Ata shënuan fitore me rezultat 2:0 kundër skuadrës gjermane, Bayern nga Munich-u, në finalen e Champions League, e cila është zhvilluar në stadiumin "Santiago Bernabeu" në Madrid. Interi pas 45 vjetësh bëhet kampion i ri i Evropës. Ky është titulli i tretë për Interin në Evropë, i cili dy tituj i ka fituar në vitin 1963-64 dhe 1964-65. Nga ajo kohë e deri më tash nuk ka shijuar titullin e Evropës dhe tashmë në udhëheqjen e Mourinhos stolisen me titullin e kampionit. Një finale e madhe, që mbushi plot e përplot (mbi 80 mijë shikues) stadiumin "Santiago Bernabeu" në Madrid. Bayern dhe Inter dëshmuan lojë të bukur, me veprime të rrjedhshme e të shpejta. Në pjesën e parë të takimit, Bayerni ka pasur topin në pronësi, vazhdimisht ka sulmuar në kërkim të golit.

Interi me kundërsulme ishte gjithnjë i rrezikshëm, ndërsa Bayerni sulmoi vazhdimisht nëpërmjet Arjon Robbenit. Në minutën e 10-të, Robben depërtoi me dinakëri nga krahu, futet brenda 16-shit, e gjen me dinakëri Ivica Oliqin, i cili nga afërsia gjuajti jashtë portës. Pas pesë minutave lojë, gjyqtari Weeb, shumë lehtë ka mundur të akordoi penallti për Bayernin. Robben për bukuri dërgoi një goditje në 16-shin e Interit, por topin me dorë e ka prekur Maicon, por çuditërisht këtë rast nuk e pa as gjyqtari, por as futbollistët e Bayernit. Në minutën e 18-të, Wesley Sneijder, i cili ka qenë figura më e mirë e takimit te Interit, nga rreth 35 metra nga gjujatja e lirë dërgoi goditje të furishme dhe me mund të madh mbrojti portieri Butt. Sneijder i lëvizshëm, shumë i rrezikshëm, me mençuri e pasoi një top deri te Diego Milito, i cili doli përballë portierit Butt dhe ka realizuar për epërsinë 1:0 pikërisht në minutën e 35-të të ndeshjes. Sërish bashkëveprim i mrekullueshëm në mes Militos dhe Sneijderit, ky i fundit doli vetëm, por portieri Butt shpëtoi gol të sigurt. Në pjesën e dytë, pa kaluar as 22 sekonda Muller pati rast ideal, por portieri Cesar intervenoi për mrekulli dhe shpëtoi portën. Në minutën e 47-të, Milito depërtoi për mrekulli dhe e gjeti Pandev, por gjuajtjen e tij me vështirësi e mbrojti portieri Butt. Muller në minutën e 63-të pati rast ideal, por nuk arriti që të mposht portën e Interit. Në minutën e 65-të Robben rrezikoi seriozisht portën e Interit, por Cezar me mund të madh dëboi topin në korrne. Milito, futbollisti më i mirë në ndeshje, një sulmues i pandalshëm, në minutën e 70-të shënoi për epërsinë 2:0 te Interit. Skuadra e Interit me plotë meritë shënoi fitore, duke iu falënderuar edhe golave të Militos, por edhe lojës së mirë të të gjithë futbollistëve. Interi këtë vit arriti të fitoi tri trofetë: titullin e kampionit të Champions League, kampion i Italisë dhe fitues i kupës së Italisë. Bayerni me gjithë humbjen luajti mjaft mirë, krijojë raste të mira, por nuk i konkretizoi. Bayerni duhet të mbetet i kënaqur që ishte në finalen e madhe, njëherësh që ka arritur të fitoi titullin dhe kupën e Gjermanisë. Interi kremtoi titullin, ndërsa Bayerni lëshoi fushën të dëshpëruar. Në fakt, ndeshja finale e Champions League, ishte përcjell nga 35 kamera dhe transmetuar nga 109 stacione televizive nga mbarë bota.
Bayern-Inter 0:2 (0:1)
Stadiumi "Santiago Bernabeu".
Shikues: mbi 80 mijë.
Gjyqtarë: Weeb.
Shënues: Milito (35' e 70').
K.V: Demicelis, Van Bommel (BA), Chivu (IN).
Bayern: Butt, Lahm, Van Buyten, Demichelis, Badstuber, Van Bommel, Schweinsteiger, Robben, T. Müller, Hamit Altintop (Klose 63') dhe Oliq (Gomez 74').
Interi: Julio Cesar, Maicon, Lucio, Samuel, Chivu (Stankoviq 65'), J. Zanetti, Cambiasso, Eto'o, Sneijder, Pandev (Muntari 79') dhe Milito (Materazzi 91').

Kampionët e deritashëm të Evropës

1955-1956 Real Madrid
1956-1957 Real Madrid
1957-1958 Real Madrid
1958-1959 Real Madrid
1959-1960 Real Madrid
1960-1961 Benfica
1961-1962 Benfica
1962-1963 Milan
1963-1964 Inter
1964-1965 Inter
1965-1966 Real Madrid
1966-1967 Seltic
1967-1968 Manchester United
1968-1969 Milan
1969-1970 Feyenord
1970-1971 Ajax
1971-1972 Ajax
1972-1973 Ajax
1973-1974 Bayern Mynih
1974-1975 Bayern Mynih
1975-1976 Bayern Mynih
1976-1977 Liverpool
1977-1978 Liverpool
1978-1979 Notinngam Forest
1979-1980 Notinngam Forest
1980-1981 Liverpool
1981-1982 Aston Vila
1982-1983 Hamburg
1983-1984 Liverpool
1984-1985 Juventus
1985-1986 Steaua Bukuresht
1986-1987 Porto
1987-1988 PSV Eindhoven
1988-1989 Milan
1989-1990 Milan
1990-1991 Crvena Zvezda
1991-1992 Barcelona
1992-1993 Marseille
1993-1994 Milan
1994-1995 Ajax
1995-1996 Juventus
1996-1997 Dortmund
1997-1998 Real Madrid
1998-1999 Manchester United
1999-2000 Real Madrid
2000-2001 Bayern Mynih
2001-2002 Real Madrid
2002-2003 Milan
2003-2004 Porto
2004-2005 Liverpool
2005-2006 Barcelona
2006-2007 Milan
2007-2008 Manchester United
2008-2009 Barcelona
2009-2010 Inter

Totali

9 herë - Real Madrid
7 herë - Milan
5 herë - Liverpool
4 herë - Bayern M, Ajax
3 herë - Barcelona, Manchsetr United, Inter
2 herë - Juventus, Benfica,
Porto, Notinngam Forest
1 herë - Marseilla, Steaua B, Hamburg, Seltic, Dortmund, Crvena Zvezda, PSV, Fejënord,
Aston Vila

Sipas shteteve

12 herë - Spanja, Italia
11 herë - Angli
6 herë - Gjermani, Holandë
4 herë - Portugali
1 herë - Serbi, Skoci, Rumani, Francë