Shtohen
njohjet, arrin e 69-ta
Republika e Somalisë është vendi I 69 që e
ka njohur sot më 19 maj, zyrtarisht Republikën e Kosovës. Me një notë
diplomatike drejtuar Ministrisë së Jashtme të Republikës së Kosovës,
përkatësisht postuar ministrit Skënder Hyseni, I cili gjendet në Nju-
Jork, Ministria e Punëve të Jashtme e Republikës së Somalisë konfirmon
vendimin e qeverisë së këtij vendi për njohjen e Kosovës shtet të
pavarur dhe sovran. Më tej në notën diplomatike thuhet se vendimi është
marrë në bazë të kërkesës zyrtare për njohje të nënshkruar nga
presidenti I Republikës së Kosovës, Fatmir Sejdiu. Po ashtu në notë
thuhet se qeveria e Somalisë është e vetëdijshme për kontributin vital
që Republika e Kosovës ka dhënë për stabilitetin dhe kohekzistencën
paqësore në Ballkan.
Kjo njohje nga Somalia vjen vetëm dy ditë pas seancës së fundit ë KS
të OKB-së në të cilën u debatua për situatën në Kosovë. Somalia është
shteti i pestë që këtë vit ka njohur pavarësinë e Kosovës.