Si çdo pasdite qindra socialistë kanë dalë në Bulevard në mbështetje
të afro 150 grevistëve që ndodhen në ditën e 18 në kampin e grevës së
urisë. Ndërsa numri i personave që janë detyruar t'a lënë atë për shkak
të problemeve me shëndetin ka shkuar në 59, (deri në orën 19:00), lideri
socialist Edi Rama deklaron se greva jo vetëm që do të vazhdojë por
hapi që do ndërmarrë PS-ja do jetë kurajoz.

"Para nesh çdo ditë dalin njerëz që i kanë shitur interesat e tyre në
oborrin e pushtetit dhe thonë deklarata nga më të neveritshmet për ata
që në këtë grevë urie nuk kanë hyrë për veten e tyre, por për të gjithë
ata që duan ta jetojnë të ardhmen e tyre në këtë vend", u shpreh Rama.

Me tej vijoi se "kjo është një krizë që nuk mban peng vetëm jetën
politike të vendit, por mban peng vetë demokracinë, vetë shtetin dhe
ekonominë. Shqiptarët po e kuptojnë çdo ditë se e keqja që u ka hyrë në
shtëpi ka të bëjë drejtpërdrejt me ç'ka fshihet në kutitë e votimit dhe
krizën e krijuar, sepse Sali Berisha nuk përballet dot me të vërtetën e
atyre kutive".




Mbasdite janë dërguar për në spital dy grevistë të tjerë. Elez Braha,
43 vjeç nga Kukësi dhe Fasli Rustemi, 44 vjeç nga Kopliku, Malësia e
Madhe. Në ditën e 18 të grevës shkon në 59 numri i grevistëve që janë
ndërguar në spital. Ne mesdite eshte derguar ne spital deputetja e
PS-se, Olta Xhacka, pas problemeve me stomakun dhe tensionin. Me heret,
la në mes grevën i riu nga Tirana, Oltian Ruçi, i detyruar të niset në
spital pas gjendjes së përkeqësuar të shëndetit.




Gjate paradites se sotme, Grupi Parlamentar i PS-së ka vendosur
vazhdimin e grevës së urisë për transparencë dhe protesta intensive në
mbështetje të kauzës së nisur. Deputetët në mënyrë unanime janë shprehur
në mbështetje të grevës së nisur, e cila sipas tyre nuk ka asnjë arsye
të lihet në mes. Deputetët socialistë kanë shprehur gatishmërinë e tyre
për t'u rreshtuar mes grevistëve.











Greva e urise e PS-se ne cadrat para kryeministrise ka hyre sot ne diten
e 18-te. Shendeti i grevisteve sa vjen e rendohet, nderkohe qe mjeket
thone se tashme shumica mbahen vetem me serume. Paraditen e sotme,
rreth ores 09.30 nje tjeter grevist eshte detyruar te lere ne mes
greven. Preng Tuci, 56-vjec eshte percjelle drejt spitalit Infektiv ne
QSUT per te marre ndihmen mjeksore.



Në qendër të çadrës jane instaluar dy dhomeza të vogla, që përngjajne si
paradhomat e urgjencës. Në fakt, ato janë kthinat ku janë transferuar
në dhomëzat që mbajnë frymën gjallë grevistët. "Kjo është e vetmja
mënyrë për të rezistuar. Prej ditësh, kjo është e vetmja mënyrë që
mbajmë frymën gjallë paçka se kemi dëgjuar lloj-lloj fyerjesh për ne", -
të thotë Shegushe Ligori, e cila merrte serumin e radhës.