Zyrtarë të lartë të Ministrisë së Mjedisit dhe Planifikimi Hapësinor i
janë bashkëngjitur nismës së të rinjve për shënimin e Ditës së Evropës,
duke i pastruar hapësirat përreth objekteve të trashëgimisë kulturore në
Prizren.

Me bindjen se rruga e integrimit evropian ndërlidhet me mbrojtjen e
mjedisit dhe të trashëgimisë kulturore, zyrtarët dhe aktivistët e
shoqërisë civile të hënën janë përkujdesur për ambientin te Hamami i
Gazi Mehmed Pashës, te Xhamia e Sinan Pashës, në sheshin e Shadërvanit
dhe në Kalanë e Prizrenit.

Për ta rritur ndjenjën e përgjegjësisë rreth ruajtjes së monumenteve të
trashëgimisë historike dhe fetare edhe Zyra Ndërlidhëse e Komisionit
Evropian pat vendosur që programin njëjavor për shënimin e Ditës së
Evropës ta niste në Prizren.

Ky institucion pat mbështetur hapjen e ekspozitës me fotografi
“Trashëgimia kulturore e Kosovës”, të autorit Samir Karahoda në Hamamin e
Gazi Mehmed Pashës.