Piloti i Red Bull-Renault, Mark Webber është fitues i garës për çmimin e madh të Spanjës që u zhvillua në pistën “Katalunja”. Piloti Australian në asnjë moment nuk vuri në rrezik pozitën e parë, pasi udhëhoqi gjatë tërë garës. Kjo ishte fitorja e tij e parë në këtë sezon me çka tani ndodhet në pozitën e 4 me 53 pikë të tubuara. Në pozitën e dytë u ndal piloti i Ferrarit, spanjolli Fernando Alonso i cili shfrytëzoi gabimin e Lewis Hamiltonit. Në pozitën e tretë garën e përfundoi piloti i dytë i Red Bull-Renault, gjermani Sebastian Vettel, ndërsa i katërti ishte ish-kampioni botëror, Michael Schumacher. Në renditjen e përgjithshme te pilotët udhëheq Jenson Button me 70 pikë të tubuara, ndërsa në garën e konstruktorëve në pozitën e parë gjendet McLaren-Mercedes me 119 pikë.



Rezultatet

1. Mark Webber (RBR-Renault) 1:35:44.101
2. Fernando Alonso (Ferrari) 24.065
3. Sebastian Vettel (RBR-Renault) 51.338
4. Michael Schumacher (Mercedes GP) 1:02.195
5. Jenson Button (McLaren-Mercedes) 1:03.728
6. Felipe Massa (Ferrari) 1:05.767
7. Adrian Sutil (Force India) 1:12.941
8. Robert Kubica (Renault) 1:13.677

Renditja e përgjithshme

1. Jenson Button (McLaren-Mercedes) 70
2. Fernando Alonso (Ferrari) 67
3. Sebastian Vettel (RBR-Renault) 60
4. Mark Webber (RBR-Renault) 53
5. Nico Rosberg (Mercedes GP) 50

Renditja e konstruktorëve

1. McLaren 119
2. Ferrari 116
3. Red Bull 113