Nën drejtimin e Carlo Ancelottit, Chelsea ka thyer hegjemoninë e Manchester United që ishte shumë pranë titullit të tretë radhazi në Premier League. Tekniku 50 vjecar arrin të njëjtin sukses që arriti Mourinho disa vite më parë, në sezonin e parë me këtë skuadër arrin të shpallet kampion i Anglisë. Ancelotti i cili bëhet trajneri i parë italian që fiton Premier League, titulli i 11 i fituar në karrierën e tij si trajner, tani ka mundësi të fitojë edhe FA Cup, pasi do të luajë në finalen e 15 majit me Portsmouthin. Chelsea që nga minuta e parë e takimit i hynë ndeshjes me lojë ofensive, duke e dërrmuar rivalin. Serinë e golave e hapi futbollisti Anelka, i cili në minutën e 6-të ka
shënuar për epërsinë 1:0, për të vazhduar Lampard në minutën e 32-të, i cili ishte i pagabueshëm nga penalltia. Në pjesën e dytë, lojë shumë më e mirë e Chelsea-s dhe efikasitet edhe më i lartë. Kalou pikërisht në minutën e 54-të shënoi për shifrat 3:0. Anelka sërish ka qenë në listën e shënuesve, duke e ngritur epërsinë në 4:0 në minutën e 56-të.



Futbollisti Drogba shtoi epërsinë në 5:0 (63’) dhe i njëjti
futbollist ka shënuar edhe në minutën e 68-të nga penalltia për
rezultatin 6:0. Drogba shënon edhe het-trikun e tij gjatë këtij takimi,
pikërisht në minutën e 80-të, për ta dërguar rezultatin në 7:0.
Futbollisti Ashley Cole ka shënuar në minutën e 90-të për fitoren e
lartë 8:0. Chelsea bëhet kampion i ri. Ndërkaq, Manchester Unitedi me
gjithë fitoren e lartë 4:0 kundër Stokes, u desh të kënaqet me vendin e
dytë. Chelsea zuri vendin e parë me 86 pikë, kurse i dyti është
Manchester Unitedi me 85 pikë. Në Champions League shkojnë: Chelsea,
Manchester Unitedi, Arsenali, Tottenhami, kurse në Europa League:
Manchester City, Aston Villa, Liverpooli. Nga liga largohen: Hulli,
Burnley e Portsmouth.


Rezultatet

Arsenal – Fulham 4:0
Aston Villa - Blackburn 0:1
Bolton - Birmingham 2:1
Burnley - Tottenham 4:2
Chelsea - Wigan 8:0
Everton - Portsmouth 1:0
Hull City - Liverpool 0:0
Manchester United - Stoke 4:0
West Ham - Manchester City 1:1
Wolves - Sunderland 2:1

Tabela
1. Chelsea 38 27 5 6 103:32 86
2. Manchester United 38 27 4 7 86:28 85
3. Arsenal 38 23 6 9 83:41 75
4. Tottenham 38 21 7 10 67:41 70
5. Manchester City 38 18 13 7 73:45 67
6. Aston Villa 38 17 13 8 52:39 64
7. Liverpool 38 18 9 11 61:35 63
8. Everton 38 16 13 9 60:49 61
9. Birmingham 38 13 11 14 38:47 50
10. Blackburn 38 13 11 14 41:55 50
11. Stoke 38 11 14 13 34:48 47
12. Fulham 38 12 10 16 39:46 46
13. Sunderland 38 11 11 16 48:56 44
14. Bolton 38 10 9 19 42:67 39
15. Wolves 38 9 11 18 32:56 38
16. Wigan 38 9 9 20 37:79 36
17. West Ham 38 8 11 19 47:66 35
18. Burnley 38 8 6 24 42:82 30
19. Hull 38 6 12 20 34:75 30
20. Portsmouth 38 7 7 24 34:66 19 (-9)