Beg ferati luajti 90 minuta me sukses të madh dhe së bashku me Shaqirin iu gëzuan trofeut të parë për këtë vit me Baselin.

Xherdan Shaqiri së bashku me skuadrën e Baselit e kanë deklasuar me rezultat 6:0 skuadrën e Lausannes, në ndeshjen finales të kupës së Zvicrës, e cila është zhvilluar në stadiumin “St Jakob Park” në Basel. Futbollistët e Baselit me kryetrimin e ndeshjes, Shaqirin e demoluan me lojë dhe rezultat skuadrën e Lausannes. Në asnjë çast nuk ka qenë rivalë i denjë i skuadrës së Baselit, Lausanne, e cila përjetoi debakël të vërtetë. Stocker në minutën e 28-të ka realizuar për shifrat 1:0, duke i bërë me dije Lausannes, se nuk ka se çka kërkon në këtë përballje finale. Xherdan Shaqiri, i cili është edhe futbollisti më i mirë i Baselit, ka realizuar për 2:0 pikërisht në minutën e 30-të.



Goli i Shaqirit i ka dhënë krahë për lojë edhe më ofensive skuadrës së Baselit, e cila në vazhdim ka mbushur portën e rivalit me gola. Zoua në minutën e 46-të shtoi epërsinë në 3:0. Shaqiri në minutën e 52-të ka asistuar për golin e katërt, kur ka shënuar futbollisti Chipperfield. Ndërkaq në minutën e 79-të është zëvendësuar nga futbollisti Almerares. Stocker sërish realizoi për 5:0 në minutën e 75-të dhe Huggel ka shënuar për fitoren e lartë 6:0 pikërisht në minutën e 89-të. Beg ferati luajti 90 minuta me sukses të madh dhe së bashku me Shaqirin iu gëzuan trofeut të parë për këtë vit me Baselin.



Basel–Lausanne-Sport 6:0 (2:0)
Stadiumi: St. Jakob-Park.
Shikues: 30100.
Gjyqtarë: Sascha Kever.
Shënues: Stocker (28' e 75'), Shaqiri (30'), Zoua (46'), Chipperfield (52'), Huggel (89').
Basel: Costanzo; Inkoom (54. Zanni), Abraham, Ferati, Safari; Shaqiri (79. Almerares), Huggel, Da Silva, Stocker; Chipperfield (67. Frei), Zoua.
Lausanne-Sport: Favre; Borges (52. Geiser), Meoli, Buntschu, Sonnerat; Marazzi, Ndzomo; Carrupt, Tosi, Pimenta (71. Stadelmann); Gaspar (82. Hélin).