Kryeministri Sali Berisha inauguroi sot rrugën e re turistike
Tale-Lezhë dhe premtoi para banorëve të Shënkollit, viza dhe integrim në
BE.


"Qeveria ime do të bëjë cdo përpjekje që cdo vit Shqipëria të marrë
pamjen që meriton, pamjen e saj evropiane"- ka thënë Berisha, në fjalën e
mbajtur para banorëve, por pa përmendur atë që ndodh ndërkohë në
bulevard dhe as grevën e urisë së PS-së.


"Ata të cilët kanë qenë skeptikë dhe gjysmë mosbesues ndaj këtij
projekti të madhe i ftoj të ndjekin Sali Berishën, se çdo javë nga një
rrugë do të inaugurojmë.
Të vijnë së bashku me mua dhe të inaugurojnë sepse jemi të angazhuar që
në këtë vend, potencialet turistike, ti shfrytëzojmë në maksimum dhe unë
jam këtu për tu zotuar para jush se siç ka qenë premtuar, brenda vitit
2010 nuk do të ketë rrugë të paasfaltuara nga Ksamili në Velipojë"- ka
thënë Berisha.
shekulli