ATHINE-
ORA 14:30 TRE TE VDEKUR NE ATHINE
Të paktën tre persona kanë vdekur në incidentet që kanë shpërthyer sot në mesditë në Athiën në kuadër të grevës së përgjithshme kundër masave antikrizë të qeverisë së Papandreut. Një bombë molotov e hedhur në një institut bankar në zonën afër Parlamentit ka shkaktuar një zjarr vdekje prurës. Nën gërmadhat e bankës Martin Egnatia kanë humbur jetën të paktën tre persona, dy gra dhe një burrë. Në flakë janë edhe dy zyra të tjera publike, njëra që i përkiste prefekturës së Athinës dhe një tjetër ku është vendosur agjencia e tatim taksave.
Po evakuohen rreth 20 persona të cilët kanë mbetur të bllokuar në objektin brenda së cilës ndodhet banka së cilës i është vënë flaka nga persona me kapuc në kokë, bëjnë të ditur burime nga policia. Zjarrfikësit kanë nisur të shuajnë zjarrin.