Një avion ushtarak polak, me trupin e pajetë të presidentit të Polonisë, Lech Kaczynki arriti sot në Varshavë, një ditë pas vdekjes së presidentit dhe personaliteteve të tjera nga rrëzimi i avionit të tij në Rusi. Presidenti në detyrë, Bronislaw Komorowski, kryeministri Donald Tusk dhe zyrtarë të tjerë e pritën arkivolin pas fluturimit të shkurtër nga Smolensku në Rusinë Perëndimore. Pas një ceremonie të shkurtër fetare në aeroport, arkivoli i shoqëruar nga një eskortë ushtarake do të shkojë në pallatin presidencial.