Origjina e 1 prillit si "ditë gënjeshtrash", nuk është e njohur, megjithatë janë propozuar disa teori të ndryshme.


Njëra prej tyre thotë që përpara se të adoptohej Kalendari Gregorian (pra kalendari që përdorim sot), 1 prilli festohej si dita e parë e Vitit të Ri nga disa kultura përfshirë Romën antike dhe Indinë. Më saktësisht, Viti i Ri që sot festohet në 31 dhjetor - 1 janar, dikur festohej nga 25 marsi deri në 1 prill, përpara se reforma gregoriane, siç e thamë, ta spostonte pas.


Në këtë kontekst feste, sidomos në Francë u krijua tradita që njerëzit i dorëzonin njëri-tjetrit pako dhuratash bosh çdo 1 prill.


Prej kësaj tradite doli termi "poisson d'Avril" që do të thotë "peshku i Prillit" dhe prej kësaj rrjedh "peshkimi" me një gënjeshtër në 1 prill, sipas teorisë së mësipërme.


Një teori tjetër e shtyn traditën e 1 prillit më përpara në kohë. Disa studiues mendojnë se 1 prilli lidhet me mitin e Proserpinës (ose Persefonit), e cila, sipas legjendës, u rrëmbye nga Plutoni, pasi u mashtrua nga një nimfë.


Tradita e 1 prillit sot është thuajse e njëjtë në shumë vende të botës. Konsiston në një gënjeshtër-shaka, e cila duhet të vejë në siklet viktimën.