Republika e Kosovës, do të marrë pjesë në çfarëdo takimi ndërkombëtarë, por vetëm si shtet i pavarur, ajo nuk e shkel 17, shkurtin shpalljen e pavarësisë dhe nuk i ofendon 65 shtete ndërkombëtare që njohën pavarësinë e saj.

Prishtinë, mars - Kosova është shtet i pavarur, dhe këtë gjë nuk mund ta mohoj askush, madje është e njohur edhe nga 65 shtete ndërkombëtare, prandaj ajo në asnjë mënyrë nuk duhet të përfaqësohet në çfarëdo takimi apo vend të botës, përveç se si shtet i pavarur dhe sovran. Dhe vetëm si vend sovran do të marr pjesë edhe në Samitin mbi të ardhmen evropiane të Ballkanit Perëndimor, të planifikuar për 20 mars në Bërdo afër Kranjit, në Slloveni, deklarojnë institucionet shtetërore, Presidenca dhe Qeveria, si dhe të njëjtin mesazh e bartin edhe opozita dhe ekspertët e pavarur.