Drejtori i përgjithshëm i Realit të Madridit, Jorge Valdano ka konfirmuar besimin për trajnerin Pellegrini, pavarësisht eliminimit në Ligën e Kampionëve.

“Ne do ta respektojmë Manuel Pellegrinin, pasi besojmë te puna e tij. E dimë se trajneri i Realit gjithmonë merr kritika. Ne kemi kontratë më të deri në përfundim të sezonit të ardhshëm dhe sigurisht që ai do vazhdojë të jetë trajneri ynë. Sezoni ende nuk ka përfunduar, ka akoma për të fituar”, pohoi drejtuesi i ekipit madrilen.

Duke iu rikthyer edhe një herë dështimit në Champions, Valdano shtoi: “Edhe unë vuajta për atë eliminim, si gjithë tifozët. Patëm shpresa të mëdha dhe mundësitë i kishim. Por kundërshtari na e bëri ndeshjen të vështirë dhe nuk arritëm ta thyenim dot”.