Trajneri francez i Arsenalit, Arsene Wenger ka hequr emrin e vet nga lista e kandidatëve për stolin e Realit të Madridit.

Manuel Pellegrini duket se i ka ditët e numëruara në krye të stolit madrilen, sidomos pas eliminimit nga Liga e Kampionëve. Prandaj, drejtuesit e klubit kryeqytetas janë vënë në kërkim të zëvendësuesit të trajnerit kilian dhe një prej alternativave është francezi Arsene Wenger.

Wenger kërkohet prej më se një viti nga drejtuesit e “galaktikëve”, por vetë trajneri francez ka përjashtuar çdo mundësi për një transferim në “Santiago Bernabeu”. “Do respektoj kontratën me Arsenalin dhe do qëndroj deri në vitin 2011. Asgjë tjetër veç kësaj nuk ka për të ndodhur”, tha numri një i stolit të ekipit londinez.