TIRANË- Shtetet e Bashkuara të Amerikës shprehen kundër projektligjit për SHISH-in, miratuar vetëm pak ditë më parë në Komisionin e Ligjeve.

Ambasadori amerikan në Tiranë, John Withers gjatë një konference të posaçme për mediat ka deklaruar se ky ligj nuk e lë SHISH-in të lirë nga ndërhyrjet, çfarë do të thotë se ligji i ri cenon privatësinë e këtij shërbimi.

"Ligji cenon imazhin e Shqipërisë"- ka deklaruar Withers, duke shprehur në deklaratën e tij qëndrimin e SHBA-ve për këtë problem.


Ai ka kërkuar që të bëhen rishikimet e nevojshme, përpara se sa Kuvendi të vendosë përa ta kaluar në senacë për miratim.

"Eshtë jetike për SHISH-in të jetë profesional, i pavarur dhe i lirë nga ndërhyrjet politike. Ne jemi të shqetësuar që ky projektligj minon këto parime. Për më tepër, ky draft i jep SHISH-it përgjegjësi të tjera brenda vendit, që janë shqetësuese", tha Withers gjatë deklaratës.

Më tej, ai deklaroi se SHBA kërkon që ekspertë ndërkombëtarë të lejohen të kryejnë rishikimin të gjithanshëm e të plotë të draftit, përpara se parlamenti të ndërmarrë veprime të tjera.


"Kjo nuk është një çështje vetëm e brendshme e Shqipërisë, por si anëtare e NATO-s, kjo është një çështje me interes ndërkombetar. Eshtë shumë e rëndësishme të kuptohet se tani, stabiliteti në Shërbimin Informativ është shumë i rëndësishem", tha ai.