Shqipëria triumfon ndaj Irlandës së Veriut



Kombëtarja e Shqipërisë në futboll bëri më të mirën në miqësoren e zhvilluar në stadiumin "Qemal Strafa". Kombëtarja Shqiptare me rezultat minimal 1:0 mposhti Irlandën e Veriut. Shqipëria ka dominuar gjatë 45 minutave me raste të shpeshta në portën kundërshtare. Ky dominim i kombëtares shqiptare ka dhënë edhe fryt, duke shënuar gol në pjesën e parë të ndeshjes. Golin për kuqezinjtë e ka shënuar Ervin Skela në minutën e 25-të të takimit, pas nje goditje dënimi. Përgjigjja e portierit irlandez ishte e pamundur pasi topi përshkoi këndin e majtë të portë. Ky ishte gëzim jashtëzakonisht i madh i dashamirëve në stadiumin "Qemal Stafa". Edhe në pjesën e dytë të ndeshjes Shqipëria ruajti rezultatin me sukses të plotë, duke dëshmuar lojë burrërore dhe thyen edhe traditën e keqe që ka pasur me irlandeszët. Përzgjedhësi Josip Kuzhe ka qenë i kënaqur jashtëzakonisht me lojën e të përzgjedhurve të tij, të cilët bënë më të mirën dhe treguan shpirt luftaraku në fushë.

Pra, në minutën e 8-të, mbrojtësi i Tiranës, Andi Lila, dha një krosim në zonë për Bogdanin, por ky i fundit nuk arriti ta shfrytëzojë topin e bukur. Kulmi i 20 minutave të para është ekzekutim i bukur i një goditjeje të lirë nga ana e Ervin Skëlës, por portieri dhe kapitemi i Irlandës së Veriut, Majk Tejlor e devijoi në goditje këndi. Në minutën e 23-të, Majkëll O’Konor ndërhyri keq ndaj kapitenit të Shqipërisë, Altin Lala, duke u ndëshkuar me karton të verdhë nga gjyqtari boshnjak. Ervin Skela tregoi klasin e tij “ala Ronaldinjo”, duke realizuar një gol spektakolar falë një gjuajtje të kalibruar nga 25 metra, e që la të shtangur portieri Majk Tejlor në minutën e 25-të. Shqipëri-Irlandë e Veriut 1:0. Goli i 12-të i Skelës me Kombëtaren, duke barazuar Erjon Bogdanin, e duke qenë të dy vetëm dy gola larg rekordmenit absolut, Alban Bushi (14 gola). Ervin Skela është lojtari i pestë që i shënon Irlandës së Veriut, duke u bashkuar kështu me Robert Jasharin, Mehdin Zhegën, Altin Rrakllin dhe Altin Haxhin.

Në minutën e 41-të, një nga mbrojtësit irlandezoveriorë i dhuroi gabimisht një top Ansi Agollit, por mesfushori i Krivbasit në Ukrainë nuk ia doli të dyfishojë rezultatin për Shqipërinë. Dy minuta përpara përfundimit të fraksionit të parë, Ervin Skela i dha një asist Erjon Bogdanit, i cili po të ishte treguar një gjahtar i vërtetë golash mund ta kishte shtyrë topin në rrjetë. “Natyrisht që jam kënaqur. Kisha një vit pa luajtur me kombëtaren. Terreni është i keq, por në pjesën e parë bëmë një ndeshje vërtet të mirë”, - tha Lala, pas zëvendësimit. Në të 68’, Lorik Cana goditi bukur me kokë nga jashtë zone, por Tejlor reagoi mirë. Në të 70’ Hidi u bë shpëtimtari i portës, kur Shils goditi me kokë, duke konfirmuar momentet më të mira të kundërshtarëve. Tri minuta më pas, ishte shtylla pingule ajo që shpëtoi portën tonë nga goli i barazimit, duke u shndërruar në lojtarin e 12-të të Kombëtares sonë. Littël ekzekutoi nga rreth 30 metra një goditje të lirë, por sfera përfundoi ngjitur me shtyllën horizontale. Shqipëria, e lodhur në pjesën e dytë. Hyka riktheu emocionet në “Qemal Stafa”, duke rrezikuar në minutën e 78-të. “Goli i shkëlqyer? Pjesën e parë luajtëm një futboll të bukur. Fusha ishte shumë e keqe. Kundërshtari na vuri në presion. Bëmë një lojë të bukur”, - tha Skela.

Shqipëria-Irlanda e Veriut 1:0 (1:0)

Stadiumi “Qemal Stafa”, Tiranë.

Shënues: Ervin Skela (25’)

Shqipëria: Hidi, Lila, Dallku, Vangjeli, Angolli (Cana 63'), Lala (Hyka 63'), Curri, Bulku (Kapllani 84'), Duro (Bakaj 74'), Skela (Vila 80'), Bogdani (Salihi 46').

Irlanda e Veriut: Taylor, Little, McGivern, McCartney, Craigan, O'Connor, McGinn, Davis, Healy, Lafferty, McCann.

B O X 1

Armenia - Bjellorusia 1:3

Ivory Coast – Korea Jugut 0:2

Greqia - Senegal 0:2

Sllovakia - Norvegjia 0:1

Qipro - Islanda 0:0

Bosna - Gana 2:1

Gjeorgjia - Estonia 2:1

Moldavia - Kazakistan 1:0

Malta - Finlanda 1:1

Turqia - Honduras 2:0

Algjeria - Serbia 0:3

Afrika e Jugut- Namibia 1:1

Hungaria - Rusia 1:1

Rumania - Izrael 0:2

Luksemburg - Azerbajxhan 1:2

Zvicra - Uruguaj 1:3

Polonia - Bullgaria 2:0

Austria - Danimarka 2:1

Gjermania - Argjentina 0:1

Holanda - SHBA 2:1

Shqipëria – Irlanda V. 1:0

Italia - Kameruni 0:0

Sllovenia - Katar 4:1

Uellsi - Suedia 0:1

Franca - Spanja 0:2

Skocia - Çekia 1:0

Anglia- Egjipti 3:1