Deçani është një lokalitet shumë i pasur arkeologjik. I një rëndësie të veçantë është dhe “Kulla e qelisë”, e cila gjendet në malet e fshatit Isniq.

Objekti në fjalë nuk ngjason më Kullat e Dukagjinit por i ngjason më shumë një lokaliteti arkeologjik - qyteti të lashtë, për të cilin askush nuk di më tepër informacione së sa vetëm “Kulla e Qelisë, vend shumë i vjetër”.

Kjo kullë, shtrihet në pjesën shkëmbore, rrëzë maleve të fshatit respektivisht mbi Manastirin e Deçanit. Gjurmët për ekzistimin e një vendbanimi edhe sot janë të dukshme. Në shikim të parë lokaliteti “Kulla e Qelisë”, të jep të kuptosh së në një të kaluar të largët, ky lokalitet është banuar nga njeriu.

Stuhive të kohës, sot i ka shpëtuar një mur i gjatë i një ndërtese, i cili është ngritur karshi shkëmbinjve. Ky mur ka gjatësi prej 10 m dhe gjerësi 5 m. Përbrenda lokalitetit “Kulla e Qelisë” ekzistojnë edhe gjurmët e një objekti sakral, i cili po ashtu i ka rezistuar kohës. Kohë më parë në këtë lokalitet janë gjendur gjurmë të disa afreskeve. Po ashtu në afërsi të “Kullës së Qelisë”, sot gjenden gjurmët e ruajtura shumë mirë të një godine e cila është e ndërtuar prej gurëve të vegjël e të gdhendur dhe të ruajtur mirë.

Kjo godinë është e mbuluar më qemerë të gurit të cilat janë të ruajtura mirë. Edhe dyshemeje e kësaj godine është e shtruar më gurë të gdhendur. Në këtë lokalitet arkeologjik janë gjeture edhe fragmente shumë të rëndësishme për kohën, përmes të cilave mundet të behët edhe datim i këtij lokaliteti të lashtë me vlera historike. “Kulla e Qelisë”, konsiderohet dhe mbetet një enigmë e kohës. Nëse për një kohë shumë të shkurtër nuk merren masa lokaliteti “Kulla e Qelisë” shumë shpejt do ti humbin gjurmët. Është koha, si dhe dora e njeriu, ajo që është duke e shkatërruar “Kullën e Qelisë”.

Prandaj, duhet që shumë shpejt ekspertet dhe institucionet që merren më arkeologji, të dalin në lokalitet dhe të bej hulumtime rreth enigmës “Kulla e Qelisë”.