Si rezultat i reshjeve të dendura që kanë rënë ditët e fundit në zonën veriore të vendit shkarkimet nga hidrocentralet e kaskadës së Drinit kanë ardhur vazhdimisht në rritje.Situata është vlerësuar emergjente për qarkun e Shkodrës dhe për menaxhimin dhe drejtimin e saj është ngritur Komiteti Ndërministror i Emergjencës.Në këtë kuadër, janë angazhuar strukturat e Forcave të Armatosura dhe konkretisht: të Forcave Tokësore, Forcave Ajrore, Brigada e Mbrojtjes Rajonale, Brigada Logjistike, ASNI (Batalioni i Ndërlidhjes) dhe Policia Ushtarake me mision mbështetje dhe ndihmë për përballimin e situatës se emergjencës në Qarkun e Shkodrës dhe kryerjen detyrave të mëposhtme:

- Evakuimin e njerëzve dhe gjësë së gjallë nga zonat e përmbytura.

- Ndërtimin e kampingjeve për strehimin e popullsisë.

- Hapjen e rrugëve dhe transport inertesh.

- Përmirësimimin e infrastrukturës rrugore në zonat e dëmtuara.

- Përforcimimin e argjinaturave.

- Përmiresimin e infrastruktures në zonat e përmbytura.

- Transportimin dhe shpërndarjen e ndihmave ushqimore.

Për komandimin dhe drejtimin e forcave pranë prefekturës së qarkut Shkodër u ngrit Qendra Operacionale e FA për Emergjencat Civile, e cila në bashkëpunim me pushtetin vendor mori detyrë të bëjë planëzimin e forcave dhe mjeteve në operacion,si dhe komandimin e drejtimin e tyre.Komandanti i kësaj qendre, njëkohësisht dhe komandant i Operacionit është caktuar gjeneral brigade Vladimir Qirjazi.Të gjitha forcat dhe mjetet ushtarake janë përqëndruar në një komandë të vetme në Batalionin e Këmbësorisë Malore në Vaun e Dejës.Për komandimin dhe drejtimin e këtyre forcave është caktuar n/kolonel Ali Mali, i cili me forcat dhe mjetet në dispozicion do të organizojë dhe realizojë operacionin për përballimin e emergjencës civile, sipas planëzimit dhe detyrave të dërguara nga komandanti i operacionit pranë prefekturës.Për realizimin e operacionit janë caktuar këto forca e mjete:

Nga Forca Tokësore: batalioni i këmbsorise malore me forca dhe mjete sipas organikes.

Nga Brigada e Mbështetjes Rajonale: 8 mjete lundruese me motor, 15 mjete vetëshkarkuese, 8 mjete dhegërmuese dhe një ekskavator.

Nga Brigada Logjistike: 10 mjete transporti, si dhe rimorkiator për transportimin e mjeteve dhegërmuese dhe lundruese sipas nevojave te BrMR.Nga Batalioni i Policisë Ushtarake: mjete shoqërimi sipas nevojës.Nga Batalioni i Ndërlidhjes (ASNI):një vendkomandë e lëvizshme mobil me personel dhe pajisje.Nga Forca Ajrore: 3 helikopter lëvizja e të cilëve do të bëhet me urdhër të veçantë të Shefit të Shtabit të Përgjithshëm të FA-së.Në zonën e operacionit janë përqendruar 192 forca; 17 mjete transporti, 10 mjete të rënda (5 astra, 2 fadroma, 2 eskavatorë, 1 vinç); 17 motobarka dhe barka (13 motobarka dhe 4 barka) dhe 2 ambulanca; 1 Qendër mobile për mbështetje me komunikim të operacionit nga bnd. Për datën 24.02.2010 u aktivizuan 196 forca, 10 mjete të rënda dhe 10 varka në zonat: Bashkia Shkodër, komuna Dajç dhe komuna Bushat.Është kryer ky volum pune:

- Me 2 mjete transporti të FT janë evakuuar 100 veta tek ura e Bunës në Renc, në komunën Guri i Zi.

- Me 45 vetë dhe 2 mjete të FT, janë ngritur 2 kampingje me 30 çadra (15 në fshatin Suka të Dajçit dhe 15 në Pentar. Në fshatin Daragjat janë mbushur 700 thasë me rërë në argjinaturë.

- Një efektiv prej 20 vetësh dhe 1 mjet transporti të BrMR kanë qëndruar në gatishmëri në komunën Bërdicë.

- 25 vetë dhe 3 mjete të BrMR në fshatin Oblikë kanë ngritur 2 çadra dhe kanë dërguar e vënë në gatishmëri 3 motobarka dhe një varkë.

- Me 5 astra vetëshkarkuese dhe 2 fadroma të BrMR është punuar për përforcimin e argjinaturës dhe devijimin e shtratit të lumit Drin në rajonin e fshatit Ashtë të komunës Bushat. Me këto mjete janë transportuar 42 m3 materiale inerte dhe 34 copë elemente të qendrave të zjarrit e barabartë me 204 ton.

- Me dy eskavatorë dhe një vinç të BrL është punuar për përforcimin e argjinaturës së lumit Drin në rajonin e fshatit Ashtë të komunës së Bushatit.

- 10 mjete transporti të BrL kanë qëndruar në gatishmëri në garnizonin e Vaut të Dejës.Gjatë ditës së djeshme në qarkun e Shkodrës ishin zëvendësministri i Mbrojtjes Ekrem Spahiu dhe shefi i Shtabit të Përgjithshëm i FA-së, gjeneral Maksim Malaj, të cilët morën pjesë edhe në takimin e Komitetit Ndërministror të Emergjencave Civile.