Edhe qyteti i Deçanit ka kremtuar dje festën e pavarësisë,objekti i restaurantit "Maturanti" në Deçan ishte i ngushtë për t'i pranuar të gjithë ata qytetarë që kishin shkruar të festojnë bashkë ditën madhe të Pavarësisë së vendit. Ditëlindja e dytë e shtetit dhe festimet për këtë ditë kanë bërë që deçanasit të festojë deri në orët e vona të natës në atmosferë kënge,valle dhe fishekzjarrësh të shumta të cilat kanë ndriçuar qiellin e shteti të pavarur të Kosovës. I pari i komunës Rasim Selmanaj nën patronatin e të cilit janë mbajtur këto manifestime,pjesëmarrësve të këtij koncerti madhështorë pasi i ka përgëzuar për festën e madhe,në fjalimin e tij ndër të tjera ka thënë:"Ju të gjithë jeni pjesë e këtyre sakrificave, prandaj jemi sërish bashkë sepse historinë më të re dhe Kosovën shtet nuk e kanë bërë individët.E ka bërë ky popull" ka thënë kryetari Selmanaj. Dhe Deçani ishte dhe është bashkë në këtë përvjetorë,në përpjekje të reja për forcimin dhe progresin e shtetit më të ri në botë.