Aashtu sikurse edhe qytetet e tjera të Kosovës edhe qyteti i Kamenicës ishte dje i stolisur me flamuj kombëtar dhe të Kosovës. Ndërsa lëvizjet e qytetarëve dhe të makinave të zbukuruara me flamuj, që nga mëngjesi kishin krijuar një gjallëri në qytet. Kjo atmosferë e krijuar edhe e dallonte Kamenicën nga ditët e zakonshme.Drejtoria e Kulturës dhe Sportit, kishte përgatitur një program shumë të pasur artistik, programi filloi në ora 10:00 me turnirin e shahut, në të cilin vendi i parë e kishte takuar Mejdi Jakupit.Ndërsa ora 13:00 në mënyrë solemne u hap ekspozita e pavarur e piktorit akademik Mr. Ahmet Ibrahimi,e cila u prit me interesim të madh nga dashamirët e artit. Mr.Ahmet Ibrahimi me prezantimet e tija, po e begaton jetën artistike të Kamenicës që një kohë të gjatë. Por kjo ekspozitë ishte përgatitur me një përkushtim të veçantë.Pastaj, për argëtimin dhe disponimin e qytetarëve, si edhe për të e bërë këtë kremte edhe më madhështore,Drejtoria e Kulturës kishte sjell këngëtarët e njohur të estradës: Shyhrete Behluli dhe Mahmut Ferati si dhe pop bend-in “ Fisnikët”.Masën e qytetarëve e përshëndeti edhe Kryetari i Komunës,Shaip Surdulli ,i cili pos tjerash tha:"Kjo është ditë historike ,për të cilën populli shqiptarë shumë ka sakrifikuar gjatë shekujve.Me këtë rast në emër të komunës i falënderojmë të gjithë qytetarët që kanë kontribuar për Pavarësinë e Kosovës e sidomos dëshmorët e kombit të cilët e dhanë jetën për këtë ditë" tha kryetari Surdulli,i falënderoi ata që kanë ndihmuar për çlirimin e Kosovës , si SHBA-at, dhe shtetet tjera paktit NATO. As kësaj radhe nuk janë harruar grupet artistike dhe këngëtarët njohur lokal. Mbi 2500 shikues përjetuan qaste të këndshme me këngëtarët , M.Ferati dhe Sh. Behluli. Për adhuruesit e muzikës bashkëkohore,sidomos të zhanrit pop , do të mbahet koncerti me pop bendin -in e njohur kosovar “ Fisnikët “ duke filluar nga ora 16:00 në shtëpinë e kulturës “ Isa Kastrati “ Kamenicë.