Ende pa nisur bash mirë Lojërat Olimpike Dimërore Vancouver 2010 ndodh edhe tragjedia e parë që rrëqethi të gjithë sportdashësit. Atleti gjeorgjian Nodar Kumaritashvili ka pësuar një incident dhe e ka humbur jetën. Ai ka dalë nga pista me shpejtësi prej 145 kilometrave dhe ka goditur një shtyllë.
Mjekët kanë ndërhyrë menjëherë, duke kryer një masazh kardiak dhe me pas Kumaritashvili është transportuar për në spital, ku ka ndërruar
jetë. Nëse shikojmë statistikat, sportisti më i vjetër në këtë olimpiadë është princi 51 vjeçar Hubertus von Hohenlohe. Për të kjo është olimpiada e peste dimërore. Numri i përgjithshëm i atleteve garues është 2 762 nga 82 vende te ndryshme, dy shtete pjesëmarrëse më shumë se në Torino 2006, pasi janë shtuar Ishujt Kaiman dhe Gana.