Brenda kësaj jave nga Forca e Sigurisë së Kosovës janë përjashtuar 14 pjesëtarë të saj, me arsyetimin për mungesë suksesi në procesin e verifikimit.

Ndërkaq, sipas mediave që nga formimi i FSK janë përjashtuar rreth 200 pjesëtarë të kësaj force. Arsyetimi është i njëjtë për të gjithë ndryshojnë vetëm emrat e personave, të cilëve u ndërpritet marrëdhënia e punës në FSK. `Në mungesë të suksesit në përfundim të verifikimit, shërbimi juaj në FSK do të ndërpritet dhe ju do të largoheni (shkarkoheni) nga FSK ja`. Kjo është fjalia e arsyetimit për përjashtimin e këtyre pjesëtareve nga kjo forcë, nënshkruar nga Gjeneral Sylejman Selimi, komandant i FSK së. Zyrtarët e Ministrisë së FSK së nuk i kanë konfirmuar këto përjashtime, duke thënë se nuk kanë informacione dhe se për diçka të tillë përgjegjësinë ia hedhin KFOR it.