E hëna do të jetë ditë negociatash për tryezën e presidentit mes Ramës e Berishës.

Selia e kreut të shtetit do të vizitohet për të tretën herë rradhazi brenda një kohe të shkurtër nga dy diplomatët e BE se, njeherazi negociatortë kryesor të tryezës, ambasadori Spanjoll, Manuel Montobio dhe kreu e Delegacionit të Komisionit Europian, Helmut Lohan. Mësohet se bisedimet e kreut të shtetit me ambasadorët do të fokusohen në konsultat për hapat e arritur deri tani e atyre të mëtejshmëm në organizimin e tryezës që do tÆi jepte fund ngërτit politik në vend.

Pasi arritën të marrin "Po" në e kryeministrit për praninë në takim, diplomatët dhe kreu i shtetit do të diskutojnë protokollin dhe përmbajtjen e takimit, ku do të negociohet marrëveshja. Lohan dhe Montobio prej disa kohësh po luajnë rolin e negociuesve për tÆi dhënë fund klimës politike konfiktuale, si kushti kryesor i Brukselit për inetrgim.

Paralelisht me takimet në presidencë, selitë e partive vazhdojnë kontaktet në përcaktimin e modaliteteteve të e tryezës. Kështu, të hënën pasdite apo të martën në mëngjes pritet të ketë një takim midis dy përfaqësuesve të rëndësishëm të Partisë Socialiste, të cilët do të startojnë dialogun "undergraund" që do të përgatisë tryezën e madhe. Mësohet se një pjesë e mirë e këtyre kontakteve do të jenë joformale për të siguruar suksesin e takimit final.

Njëkohësisht me pohimin për të marrë pjesë në tryezë, kreu i qeverisë Berisha ka bërë të qartë pak kohë më parë, se hapja e kutive nuk do të jetë një cështje e negociushme. Ndërsa në të gjithë daljet e tij të fundit kreu i selisë rozë Rama ka përcaktuar pikërisht këtë si kushtin kryesor për t'u ulur në tryezë.

Ndërkaq, nga Strasburgu pritet të vijë dhe delegacioni i cili do të negociojë tryezën e cila prietet të përkojë dhe me datën e mbërritjes së tyre në 22 shkurt.