Një nënë 22 vjeçare hidhet nga kati i 8-të bashkë me foshnjen e saj 2 vjeçare

Kavajë 5 shkurt

Rreth orës 06. 50 minuta të së premtes policia eshte informuar se Irma Daullja, një vajzë 22 vjeçare së bashku me vajzën e saj të mitur vetëm 2 vjece janë gjendur të vdekura pranë trotuarit përpara banesës së saj në lagjen nr 5 të këtij qyteti. Sipas te dhenave te para në momentin kur ka ndodhur ngjarja mësohet se bashkëshorti i 22 vjecares, ka qenë duke fjetur. Bashkëshorti i Irmës ka dërguar vogëlushen e tij në spital për ti shpëtuar jetën, por zemra e saj kishte ndalur.

Menjëherë në vendin e ngjarjes, mbërriti grupi hetimor dhe po kryen veprimet e para hetimore dhe proçeduriale duke administruar të gjitha provat me synim sqarimin e rrethanave, motiveve dhe mekanizmin e ngjarjes. “Paraprakisht dyshohet se, 22 vjeçarja është hedhur së bashku me vajzën e saj 2 vjeçare, nga tarraca e katit të 8 – të, të pallatit ku banonin. Nga grupi hetimor, po hetohet pista e një vetvrasje, pasi viktimat- sipas ekspertëve mjeko - ligjor nuk kishin shenja dhune" – thuhet në njoftimin për shtyp të policisë së Tiranës të shpërndarë sot për median.

Specialistët e hetimit të krimit të Policisë së Kavajës nën drejtimin e Prokurorit po marrin deklarimet e bashkëshortit dhe të afërmëve të viktimave, në lidhje me sqarimin e rrethanave të kësaj ngjarje. Materialet do t’i kalojnë për hetime të metëjshme Prokurorisë së Rrethit Gjyqësor Kavajë.