Sir Alex Ferguson, menaxher i Manchester Unitedit, ka thënë se ndeshje në mes Milanit dhe Manchester Unitedit, do të jetë ballafaqimi më i fortë i Champions Leagua. Kjo ndeshje do të zhvillohet me 16 shkurt në Milan të Italisë, dhe pritet të jetë njëra nga përballjet më të mira. “Mendoj është ndeshja më e madhe e stinorit. Kupa Evropiane gjithmonë është diçka e veçantë për ne dhe kemi pasur disa mbrëmje të mahnitshme në Old Trafford. Thjesht shpresoj të kemi edhe një. Do të jemi në udhëtim në ndeshjen e parë, që nuk do të jetë e lehtë, por jam i sigurt se ndeshja vendimtare do të jetë ajo në Old Trafford”, tha Ferguson.