Kombëtarja e Shqipërisë në futboll e ka humbur një vend në renditjen e FIFA-s. Ajo renditet në vendin e 97 për muajin janar, duke humbur një vend në krahasim me muajin e kaluar. Shqipëria ka 336 pikë, aq sa kishte në fund të dhjetorit 2009. Interesant është se para Shqipërisë në renditje janë kombëtaret modeste, si Moldavia, Haiti, Omani apo Guinea, duke lënë pas emra si Tailanda, Gambia, Siria etj. Spanja vazhdon të kryesojë renditjen me 1627 pikë, e ndjekur nga Brazili me 1568 dhe Holanda me 1288.